________________
३२२ .
सिरिभुयणसुंदरीकहा ॥ तो खरखग्गपरिक्खयमुहसवणविणीहरंतु(त)रुहिरोहो । कुणइ ब्व खेत्तवालो संजायविसूइओ छडिं ॥३५२३॥ तो देव ! एस पुरिसो किमिव्व विवरंतरेसु पसरतो । धुणिऊण सिरं कहमवि विणिवडिओ धरणिवलृमि ॥३५२४।। एत्थंतरंमि सहसा सो जोई सिद्धसयलमंतत्थो । समयमुट्ठिऊण धावइ बहुकोवो खेत्तवालस्स ।।३५२५।। दठूण सिद्धमंतं जोइंदं तस्स तेयमसहंतो । दारुणदाढो सहसा न जाणिओ कत्थ वि पणट्ठो ।।३५२६।। तो तं अपेच्छमाणो सो जोई भणइ 'सुयण ! न हु भंती । तुज्झ पसाएण महं संजाया मंतसंसिद्धी ।।३५२७।। जइ इह तुमं न हुंतो ताऽहं एयस्स करकवालंमि। अत्ति(ति)हित्तं वच्चंतो अपरित्ताणो महासत्त ! ॥३५२८॥ ता किं बहु पलविज्जइ ? बाहिरवत्थूसु का किर थिरासा ? । नियजीविएण कीयं मह जीयं तुज्झ आयत्तं' ।।३५२९।। एएण तओ भणियं 'भयवं ! भुयणोवयारिणो तुज्झ । वड्डउ जीयं मह वुण मित्तेण समं हवउ जोगो' ॥३५३०॥ तो देव ! भणइ जोई 'तुह अज्ज वि बंधुयत्त ! संदेहो ? । पज्जालसु इह जलणं तो हुणिमो सेहरासोए ॥३५३१॥ . हुणिएहिं तेहिं दोहि वि अपच्चवायं करेमि तुह कज्जं । जम्हा ते वि समत्था बहुविज्जा सिद्ध-मंता य ॥३५३२।।
ता आणसु समिहाओ अहं पि आणेमि पुण चियाजलणं' । ____एवं भणिऊण दुवे नियकज्जं काउमाढत्ता ॥३५३३।।
Jain Education International
For Private & Personal Use Only
www.jainelibrary.org
