________________
३१०
सिरिभुयणसुंदरीकहा ॥ ‘एवं'ति कुमारेणं भणिए पोयं खणेण तं पत्तं । उत्तरिओ पज्जुन्नो कुमरो तह रायधूया य ॥३३९१।। तं नियइ वीरसेणो सेलं गयणंतराललग्गेहिं ।। जो फलियदुभग्गेहिं हणइ बुभुक्खं नहयराण ॥३३९२ ।। जो दीहनिरंतरनालिएर-खज्जूरतरुवरेहिं व । गयणंमि अमायंतो उढे व नहं समुक्खिवइ ॥३३९३।। जो महुरसिसिरनिज्झरजलपूरियरुंदकंदरनिवेसो । तियसभएण तिरोहियअमयस्स अलंघदुग्गं व ॥३३९४ ।। जो वेलावसचउदिसिपसरियजलभरियगहिरकुहुरंतो । चिरकुलिसतावतत्तो जलकेलिसुहं व अणुहवइ ।।३३९५॥ मडहाययतुंगो वि हु जो वेलाजलनिरुद्धपेरंतो । ओहरियजलसमूहो सो च्चिय तुंगत्तणं लहइ ।।३३९६।। जो पवणुद्धयडिंडीरपिंडपरिपंडुरोरुतडभाओ । रेहइ दूरसा(समा?)गय-परिरुद्धतुसारसेलो व्व ॥३३९७।। अणुमीय(इ)ज्जति जहिं पज्जलियमहोयहीउ दियहेहिं । पइदियहं पेरंते निसि निवडियसलहनिवहेहिं ॥३३९८।। रविकरफंसपयट्टो जत्थ दिणे रवि-मणीण जो जलणो । सो निसिकरचंदाहयचंदुवलजलेहिं उण्हाइ ॥३३९९।। इय तत्थ वीरसेणो विज्जाहरमिहुणसेवियदरिंमि । परियडइ अप्पिऊणं चंदसिरिं सत्थवाहस्स ॥३४००।। निज्झरणेसु गुहासु य कुमरो सिरिखंडदुमवणेसुं च । गिरितुंगसिंगसिहरे सीहो व्व अणाउलो भमइ ॥३४०१।। १. मडहा पयइतुंगो० ला. ।। २. दूरमागय० ला. ॥
Jain Education International
For Private & Personal Use Only
www.jainelibrary.org
