________________
२९६
सिरिभुयणसुंदरीकहा ॥ ता ठाहि सवडहुत्तो किं बहुणा जंपिएण? समरंमि । धीराण कायराणं च अंतरं लब्भए पयडं' ॥३२३७।। तो भणइ वीरसेणो ‘सच्चमिणं खेयरिंद ! जं भणसि । निव्वाहो च्चिय दुलहो नराण नियभणियवयणेसु ।।३२३८।। ता मा बहुं पयंपसु संभालसु आउहं थिरो होहि । तुह पुव्वजंपियाणं मह खग्गं उत्तरं दाही' ।।३२३९।। एत्थंतरंभि दोन्नि वि अन्नोन्नाभिमुहसन्निवेसेण । दट्ठोडभिउडिभीमा पहारसज्जाविया कुमरा ।।३२४०।। अह खेयरेण सहसा खग्गं मोत्तूण मोग्गरो ग्गहिओ । उद्धं भमाडिऊणं पक्खित्तो वीरसेणस्स ॥३२४१।। कुमरेण वि नियखग्गं मोत्तु तेणेव मोग्गरेण सयं । तह निहओ खयरिंदो जह मुच्छापरवसो जाओ ।।३२४२।। पहरानिलसंधुक्कियकोवेण वि तेण तक्खणे च्चेय । दो रूवे निम्मविए अट्ठभुए खेयरिंदेण ॥३२४३।। दठूण दोन्नि रूवे विविहाउहभीसणे पडिहणंते । करमोग्गरेण कुमरो ते जुगवं निप्फुरे कुणइ ॥३२४४।। निठुरपहारमोग्गरमोडियलंबंतबहुभुयनिवेसे । ते रूवे संजाए आखंडियसाहतरुतुल्ले ॥३२४५।। इय चउर-ट्ठय-सोलस-बत्तीसगुणे य जाव चउसट्ठी । सव्वे वि तेण निहया कारिमपुरिस व्व कुमरेण ||३२४६।। इय जेत्तियाइं विरइय(विरयइ) मायारूवाइं खेयरो समरे । कुमरो वि तेत्तियाई मोग्गरपहरेण पाडेइ ।।३२४७।।
Jain Education International
For Private & Personal Use Only
www.jainelibrary.org
