________________
सिरिभुयणसुंदरीकहा ॥
सिरिवीरसेणविणिउत्तखयराओ सुयमसोएण ।
जह पवणकेउणा सो वियारिओ बंधुवेरेण || ३१३८ || आयन्त्रिऊण एवं वयणं पणिहिस्स जायपरिओसो । सयमेव गओ असोओ तस्स पउत्तिं गवेसंतो' ।।३१३९॥ पुण भणइ वीरसेणो 'परिणीया किं न सा असोएण ?' | वुड्ढा भणइ 'न मन्नइ अन्नं पयिं वीरसेणाओ ||३१४०|| सो को वि इह तिलोए नत्थि उवाओ न जो असोएण । तिस्साराहणहेऊ विचिंतिओ तयणुरत्तेण ॥३१४१॥
सा उण एकग्गमणा पिय- माई-बंधु सहियणं चइय ।
'मह वीरसेण ! सरणं हवेज्ज जम्मंतरे वि तुमं' ||३१४२ ॥ इय भणमाणी चिट्ठइ आससइ खणं ममं समासज्ज ।
पुच्छइ कहं सुएहिं तुह कहिओ कमलकेउवहो ? || ३१४३॥ ह ह ण सारुतं ( सा पुणरुत्तं ?) पुच्छेइ तहा तहा कहेम अहं ।
मह विरहिया सदुक्खं रोयइ तं चेव सुमरंती' || ३१४४ ॥ पुण भणइ वीरसेणो 'न बलामोड़ेण परिणइ असोओ । कन्ना खु सा अवस्सं सयदिन्ना होइ एगस्स' ||३१४५ || सा भइ 'पुत्तमेवं नासोओ भुंजए अणिच्छंती (तिं) । परनारिं आजम्माओ निच्छओ तस्स किर एसो ||३१४६ ॥ अविवेई सो पुत्तय ! एत्तियमेत्तं पि जो न जाणेइ । अप्पा परं विगुप्पइ अनेहनेहाणुबंधेण ||३१४७ ।। सो चंदसिरिविओए खिज्जइ सा वीरसेणविरहेण ।
ता पुत्त ! लज्जणिज्जो बुहाण एसो खु वृत्तंतो ||३१४८||
Jain Education International
For Private & Personal Use Only
२८७
www.jainelibrary.org
