________________
सिरिभुयणसुंदरीकहा ॥
सयमेव विस्ससेणो पाययपुरिसो य संभमाइसया । लुहुदुक्खुडं (?) पयासइ सिणेहसारं कुमारंमि ।। २९६२ ।। तो ण्हाण - देवयच्चण - भोयणमाईणि सव्वकम्माणि । काऊणं अवरहे गया दुवे गुरुसमीवंमि ।। २९६३ ।। अकलंकमुणिवरेण वि समओच्चि ( चि) यधम्मदेसणापुव्वं । अणुसासिया पविट्ठा पुणो वि ते नयरमज्झमि ॥२९६४ ।। इय एवं अणवरयं पहाय - अवरण्हसमयमासज्झ । सेवंताण मुणिदं कई वि दियहा अइकुंता ॥। २९६५ ।। थिरियरणं संजायं जिणिदधम्मंमि वीरसेणस्स । सम्मं नाणाहिगमो जहत्थसंसारविन्नाणं ||२९६६॥ तो नाऊण कुमारो परिणयधम्मं नरिंदमुच्छुको । अकहंतो अन्नदिणे विणिग्गओ विस्ससेणस्स ||२९६७ || नाणाविहनयरविसेस-गाम-पुर- दोण दुग्ग-गहणेसु । चंदसिरिमन्निसंतो परियडइ धरायलं वीरो || २९६८ ॥ अणवरयपयाणयसयल-लंघियासेसपुहइवित्थारो । पत्तों समुद्दतीरं वणराइविराइयं कुमरो ।। २९६९।। पेच्छइ पसारियच्छो अगोयरं जमिह लोयण-मणाण । परमपयं व्व जलनिहिं निच्चानिच्चं अगम्मं च ||२९७० ॥ खेयरहियचंदसिरी दिन्नवयासत्तणेण लज्जाए ।
उयहिमिसेण अणंतं मन्ने गयणं पिव विलीणं ।। २९७१ ॥
गुरुकल्लोलदुगंतर-दूरसमुच्छलियमीणसंघाओ । अहरोनंतरनिग्गयजीहानिव्व(व) हो व्व लिहइ नहं ।। २९७२ ॥
Jain Education International
For Private & Personal Use Only
२७१
www.jainelibrary.org
