________________
२७०
सिरिभुयणसुंदरीकहा ॥ तो वंदिऊण भयवं राया पुर-जणवओ कुमारो य । कयभवणहट्टसोहं निबद्धबहुतोरणसमूहं ।।२९५१।। ऊसियधयासहस्सं गंधोदयसमियमग्गरयपसरं । रंगावलीविराइय-सुंदरभवणंगणदुवारं ॥२९५२।। आणंदियसयलजणं पारंभियतिय-चउक्कुपेच्छणयं । पयपयलोयवियप्पियकुमारसुव्वंतआसीसं ॥२९५३।। एवंविहं निरंतरपहरिसवसजायपुलयलोयघणं । पविसइ पुरं सुणंतो विलयाण परोप्परालावे ।।२९५४।। 'एसो सो रायसुओ जो दिट्ठो तत्थ रनमज्झमि । खग्गसहाओ धीरो' इय एगा भणइ मुद्धमुही ।।२९५५।। दठूण कुमरमेगा उड़े आमीलियंगुलि-करग्गा । आमोडिऊण अंगं पयडइ कुमरंमि अणुरायं ॥२९५६।। पच्चंगपलोइयवीरसेणअणुरायपरवसा एगा । 'हत्थी हत्थि'त्ति सहीए का वि पडिबोहिया तरुणी ॥२९५७।। 'एसेस वीरसेणो'त्ति का वि सुणिऊण तरलमण-नयणा । कज्जल-सलाय-दप्पणहत्था धावेइ पहहुत्तं ।।२९५८।। 'जो चिंतिओ मणेण वि रक्खो धीराण कुणइ संतासं । अच्छरियमिणं कह सो वि बोहिओ किर कुमारेण ॥२९५९।। अच्चब्भुवो पहावो इमस्स सहि ! पेच्छ जेण लोयाण । रक्खसभयमेव न तं संसारभयं पि निम्महियं' ।।२९६०।। इय नाणाविहवइयरनिरंतरं तं पुरं विलोयंतो । पत्तो कमेण कुमरो सनरवई रायभवणंमि ।।२९६१।।
Jain Education International
For Private & Personal Use Only
• www.jainelibrary.org
