________________
२६१
सिरिभुयणसुंदरीकहा ॥
भूमिं(मी?)आऊ तेऊ वाऊ य वणस्सई य वेयंमि । देवत्ति संपणीया देवा उण कह णु निज्जीवा ? ॥२८५२।। ता तव्वयणपमाणा सिद्धं भूमाइयाणं जीवत्तं । जिणवयणमएण पुणो पच्चक्खमिमेसि जीवत्तं ।।२८५३।। तम्हा भूमीदाणं गोदाणं तुरय-गय-रहाईणं । सावज्जदाणभावा विवज्जियं परमनाणीहिं ॥२८५४॥ जइ ताव देवय च्चिय भूमी गावी य ता कहं ताओ । दिज्जति बंभणाणं दासीउ व धम्मसद्धाए? ॥२८५५।। लभ्रूण भूमिदाणं आरंभं कुणइ गरुयकयपावं । गाहगसहिओ दाया जेण दुवे जंति नरएसु ॥२८५६।। अणवज्जमेव दिज्जइ अणवज्जविसेसधम्मकामेहिं । अणवज्जारंभाणं मुणीण कम्मक्खयनिमित्तं ॥२८५७।। रयणत्तओववी(वे?)या विसुद्धवरबंभचारिणो मुणिणो । दंतिंदिया पसन्ना खंतिपरा बंभणा जइणो ॥२८५८।। सावज्जजोग्ग(ग)विरया निरया अणवज्जसयलकज्जेसु । ते होंति दाणजोगा(ग्गा) गिहीण मुणिणो महाजइणो ॥२८५९।। गिहिणो पावारंभा कुडुंबिणो विसयलंपडा खुद्दा । दायगसमाणदोसा न दाणपत्तं दिया होति ॥२८६०।। इय एवमाइ सव्वं समं(म्म)नाऊण आगमबलेण । देयादेयविभागो पत्तापत्तं च नायव्वं ॥२८६१॥ अन्नं च तत्थ वेए भणिया किर अग्गियारिया सम(म्म) । गहसंति-संपयाणं वुड्डिनिमित्तं दियाईहिं ।।२८६२।।
Jain Education International
For Private & Personal Use Only
www.jainelibrary.org
