________________
सिरिभुयणसुंदरीकहा ॥
पढमं ताव भवंतर-विद्धंसियपावकसिणसंघायं । दिलै जिणिंदभवणं मणि-कंचण-रयणनिम्मवियं ।।१५१।। तत्थ वि अउव्वरूवा एए विज्जाहरव्व देवव्व । दिट्टा अदिट्ठपुव्वा सेवंता देवपयकमलं ॥१५२।। नियमाहप्पाओ च्चिय अविकलसिझंतवंछियसुहत्था । तो केण कारणेणं एए सेवंति जिणनाहं ? ||१५३।। इयरो वि हु न पयट्टइ निकज्जारंभजायववसाओ । किं पुण एए देवा जे सम्मन्नाणसंपन्ना ।।१५४।। ता अणुमाणवसेणं जाणे अच्चब्भुयं फलं किंपि । जं देवाण वि दुलहं तं जिणनाहाओ वंछंति ॥१५५॥ ता सव्वहा वि एयं देवासुर-खयरपूइयं देवं । अइदुल्लहफलदायग-मणन्नहियओ नमसामि ।।१५६।। इयमाइ चिंतिऊणं वियडपयक्खे व दलियमही(हि)वीढो । थरहरियधरणिभयवस-सुरासुरुप्पाइयासंको ॥१५७।। जोइज्जंतो सुरसुंदरीहिं दूरं पसारियच्छीहिं । अउरुव्वसुरकुमारमकयबहुविहमयणचेट्ठाहिं ।।१५८।। उव्वेल्लइ सुदिढं पि हु मणोहरं कावि केसपब्भारं । दरदीसमाणगुरुतर-पओहरुस्सेहरमणीया ।१५९।। अन्नोन्नं संघट्टण-वसपसरियझणझणारवकरालं । रि(रि)खोलइ सवियारा पओट्ठवलयावलिं कावि ॥१६०।। संठवइ सुट्ठियं पि हु सुरंगणा कावि भूसणकलावं । हरिविकूमाणुरायं अप्पम्मि दिढं समीहंती ।।१६१।।
Jain Education International
For Private & Personal Use Only
www.jainelibrary.org
