________________
सिरिभुयणसुंदरीकहा ॥ अइसयकोऊहलतुरिय-हिययपसरंतवियडपयखेवो । पत्तो खणेण कुमरो रम्मुज्जाणं तहिं एगं ||१४०।। तस्स य मज्झपएसे उच्चत्तणनिहयरविरहपयारं । धुव्वंतधय-वडाया-मंडियबहुसिहरसंघायं ।।१४१॥ निययपहावेण व वियडरयण-मणिसघणकिरणनिवहेण । पावं पि व ओसारइ दूरं निसि तिमिरसंघायं ॥१४२।। पेरंतसंठिएहिं अच्चंतं नीलतरुयरगणेहिं । दूरमलद्धपवेसं पावेहिं व भव्वलोयस्स ।।१४३।। अवसायसंदिरेहिं भवणफुरंतुद्धविविहकिरणेहिं । ससुरधणूहिं नमिज्जइ मेहकुमारेहिं व दुमेहिं ।।१४४॥ जं नियडतरुगणेणं मणिगणसंकंतकुसुमसंघायं । वेलवइ महुयरकुलं सव्वत्तो चूयससुयंबं ।।१४५।। आवासो व सिरीए अलंघदुग्गं व धम्मरायस्स । उप्पत्तिं व निरंतर-सुद्धज्झवसायबीयाण ||१४६।। तोडइ कुतित्थसंग विहडावइ कम्मनियलसंघायं । जं उच्छायइ लोए मिच्छत्तमहातमं घोरं ।।१४७।। एवंविहं कुमारो दूरं वियसंतनयणतामरसो । सकावयारनामं पेच्छइ जिणमंदिरं रम्मं ।।१४८।। दठूण हरिसनिब्भर-विसट्टरोमंचकंचुइज्जंतो । चिंतइ सविम्हयं बहु-वियप्पपज्जाउलो कुमरो ।।१४९।। अहह ! गीएककोउय-रसेण इह आगओ म्हि किर बाहिं । नवरं बहुकोऊहल-परंपरा मज्झ संपडिया ॥१५०॥
Jain Education International
For Private & Personal Use Only
www.jainelibrary.org
