________________
२२८
सिरिभुयणसुंदरीकहा ॥ गच्छामो तत्थ जहिं सुय-सेणकडेवराई चिट्ठति । जाण पा(प)साएण इमो संपत्तो दुल्लहो धम्मो ।।२४९०।। 'किमणंतभवंतरमित्थ मूढसुर-णरसरीरलाहेहिं ? । एसो च्चिय सलहिज्जइ तिरियभवो धम्मजोएण !' ।।२४९१।। इय जंपंता पत्ता एत्थ पएसंमि सेण-सुयपासे । विहिणा य पूइऊणं कराविओ तेहिं संक्कारो ॥२४९२॥ अह तेहिं पुणो भणियं 'संसारगयाण दुल्लहो एस । जिणधम्मो जीवाणं कम्मपरायत्तचेट्ठाणं ।।२४९३॥ सुरलोयचुयाण जहा जायइ जिणधम्मतत्तविन्नाणं । तह चिंतिमो उवायं जाइस्सरणाइहेउगयं ॥२४९४।। जेण कएणं जायइ कम्मखओ जाइसरणमम्हाण । अन्नेसि पि बहूणं उवयारो कुसलमग्गंमि ।।२४९५॥ तो कुणिमो जिणभवणं नीसेसदुरंतदुक्खनिद्दलणं ।' सपरोवयारहेउं बोहिफलं अन्नजम्मंमि' ॥२४९६।। इय चिंतिऊण एयं तेहिं कयं कणय-रयण-मणिघडियं । सिरिसंतिनाहभवणं भुवणोयरभूसणं रम्मं ।।२४९७।। एसो असारसंसारसायरुत्तरणजाणवत्त व्व । तेहिं चेव जिणिंदो पइट्टिओ परमभत्तीए ॥२४९८।। कहमेयं उव्वरिही पहीणलोयाण दुसमकालंमि. ? । इय पेरंते गहिरं करावियं सरवरं एयं ।।२४९९।। अइवित्थरेण विसुहं गं(ग)भीरभावेण दूरपायालं । कल्लोलेहि य गयणं तिलोयमवि जेण अकृमियं ॥२५००।
Jain Education International
For Private & Personal Use Only
www.jainelibrary.org
