________________
२१७
सिरिभुयणसुंदरीकहा ॥ एसो य महामोहंधयारविद्धंसणे दिणमणि व्व । अइजच्चकंचणमओ पइडिओ केण जिणनाहो ? ।।२३६९।। एयंपि परमरम्मं अदिट्ठपारं सरोवरं एत्थ । केण खणावियपुव्वं ? सव्वं मह कहह संखेवा' ॥२३७०॥ इय एवं ते पुट्ठा मुणिणो कुमरस्स कहिउमाढत्ता । मणपज्जवनिम्मलनाणनयणविन्नायपरमत्था ।।२३७१।। 'आयन्नसु एक्कमणो सावय ! संखेवओ कहिज्जंतं । जिणभवणसमुप्पत्तिं जणमणआणंदयं परमं' ।।२३७२।। इह अत्थि भुयणपयडा अडई विंझाडइत्ति नामेणं । 'बहुसावयसंकिन्ना चेइयवसहि व्व जा सहइ ।।२३७३।। गुणिणो व्व जत्थ तरुणो विसहियसीयायवा सुपत्ता य । सच्छा य सुहसरूवा परिणइसुहफलभरसमिद्धा ॥२३७४।। वड्ढियपओहराए अइलंघियगुरुमहीहरसयाए । उच्छंगियाए खिज्जइ सुयाए जणणि व्व रेवाए ।।२३७५।। अइदीहरसालभुओ विसालवच्छो सुवित्थयनियंबो । अणुरत्तो व्व न मेल्लइ विंझगिरी जीए सन्नेझं ।।२३७६।। एवंविहाडवीए नग्गोहदुमो विसालघणसाहो । अत्थि नियवित्थरेणं अंतरियदियंतराभोओ ।।२३७७। निवसंति तत्थ बहुविहकोडरविवरेसु सुयसमुग्घाया । नियभज्जाहिं समेया पुत्त-पपुत्तेहिं परियरिया ।।२३७८।। भमिऊण अडविमझे चुणंति जं किंचि वंछियाहारं । पुणरवि संझासमए तहेव रुक्खं अणुसरंति ।।२३७९।। १. बहुश्रावकसंकीर्णा चैत्यवसतिरथ च बहुश्वापदसंकीर्णाऽटवी खंता. टि. ।।
Jain Education International
For Private & Personal Use Only
www.jainelibrary.org
