________________
सिरिभुयणसुंदरीकहा ॥
1
पुरओ ट्ठिएहिं तेहिं वि सो वि पएसो पयासिओ तस्स । गंतूण जणणिसहिओ सो वि मोयाविओ मित्तो ||२०३६|| तो कइवयनियपरियणपरियरिओ निग्गओ य नयरीओ । अणवरयपयाणेहिं नासिक्कपुरं समणुपत्तो || २०३७॥ जोएइ तत्थ ता तं नासिकं सव्वओ बलोहेहिं । आवेढं काऊणं परिवेढियं वैरिराएहिं ॥२०३८|| पुच्छइ य वीरसेणो “कस्स पुरं ? कस्स वा इमं सेन्नं ? । केण य किर कज्जेणं पवेढियं वैरिसेन्नेहिं ?" || २०३९।। एगेण तओ कहियं नरेण 'एयं विचित्तजसनयरं । सेन्नाई य एयाई नरसीहनरिंदतणयाइं ||२०४०|| ता एस विचित्तजसो परमो बंधुव्व सूरसेणस्स । नो मन्नइ नरसीहं असेसवसुहाहिवं रायं ॥। २०४१ ।। एएण कारणेणं हढेण परिवेढियं पुरं तस्स । बारसवरिसाई इमस्स वेढियस्सावि वट्टंति || २०४२ ॥ परिखीणसव्वलोयं अंतोदुब्भिक्खपीडियं नयरं । पक्खीणिधण-धण-धन्न - जवस - जलमाइववहारं ||२०४३ ॥ अज्जं व अहव कल्ले नयरं भज्जिही नत्थि संदेहो । इय एसो तुह कहिओ नीसेसो नयरवुत्तंतो' ||२०४४ ॥ सोऊण इमं वयणं वीरो अइविसमरोसरत्तच्छो । पट्ठवइ बंधुयत्तं विचित्तजसरायपासम्म ||२०४५ || सिक्खवइ "भणसु रायं होसु थिरो मा मणे भयं कुणसु । मा जंपसु दीणाई मा मुयसु नियाभिमाणं च || २०४६ ॥
Jain Education International
For Private & Personal Use Only
१८७
www.jainelibrary.org
