________________
१८२
सिरिभुयणसुंदरीकहा ॥
मुक्को सो सामंतो गओ य नरसीहरायपासम्म । साहइ सामलवइणो नीसेसं कुमरवुत्ततं ।।१९८१।। तो नरसीहो जंपइ 'को होइ ? कस्स संतिओ अहवा । बालो अबालचरिओ नियविक्कमगव्विओ वीरो ।।१९८२॥ तो सव्वेहिं वि भणियं 'देव ! न जाणिज्जइ (ई) कुमारस्स । अंतोसुद्धी नवरं होही अच्चब्भुओ कोइ' ।।१९८३।। अह अन्नदिणे राया नरसीहो भवणियाए नीहरइ । बहुसेन्नसंपरिवुडो वियडुब्भडवेंडदहलक्खो ॥। १९८४ ।। उत्तमजच्चतुरंगम-साहणपन्नासलक्खपरियरिओ । विविहरहोहनिहंसण-पडिरवपडिरुद्धदिसिनिचहो ।।१९८५ ।। नाणापहरणपाइकुकोडिसंकडियवियडमहिवीढो ।
वारुयकरिणीपल्लाणियाए सुहसंठिओ राया ॥। १९८६।। वियडायवत्तकलिओ बहुचमरधरीहिं भूसियदुपासो । जय जय सहसमुब्भड - बहुभट्टभडेहिं थुव्वंतो ।।१९८७ ।। पत्तो रायपणं चउहट्टं सयलनयरनारीहिं । जोइज्जतो पायार-भवण-तरु- देउलट्ठियाहिं ।।१९८८ ।। पुरओ वज्जिर अणवज्जविविहआउज्जसयसहस्सेहिं । ओसारियदुजणो तयणंतरआसवारेहिं ।। १९८९ ।। तत्तो य दंगिएहिं खिलिहिलेहिं च घोरसद्देहिं । अंतोपडिहारेहिं विविहेहि य अंगरक्खेहिं ।।१९९०॥ एवंविहियपयत्तो नरसीहो जाव एइ चउहट्टे । नरसीहनाममाला ता पढिया बंदिणा तत्थ ।।१९९१।।
Jain Education International
For Private & Personal Use Only
www.jainelibrary.org
