________________
१७८
विउले अव्वच्छिन्ने सुसिलिट्टे अंसए नरिंदस्स । निम्मंसरोमनिचिए विसमे उण इयरलोयस्स || १९३८ ।। करिकरसरिसे वट्टे आजाणुपलंबिरे य पीणे य । रायाणं चिय बाहू इयराणं रोमसे हस्से ।।१९३९ ।। गूढमणिबंधसुदिढा सम्मं सुसिलट्ठसंधिसंजुत्ता । हत्था नरनाहाणं विवरीया होंति इयराण ।।१९४० । हत्थंगुलिणो सरला चिराउसाणं हवंति स ( स ) कुमारा । सहा मेहावीणं थूला परक्कम्मकारीण ।।१९४१ ।। हुति नहा दरसोणा अपुप्फिया अवणयग्गभागा य । रायाणं इयरेसिं विवरीया होंति विन्नेया ।। १९४२ ।। अइकिसदीहं चिबुयं अधणाणं मंसलं च सुपमाणं । रायाणं विन्नेयं अणुब्भडं संगयावयवं । १९४३।। अहरेहिं अवलेहिं बिंबाकारेहिं हुंति रायाणो । फुडिय-विवन्न- विखंडिय - रुंक्खेहिं य हुंति धणहीणा निद्धा पमाणदीहा तिक्खग्गा हुंति सुंदरा दसणा । जीहा रत्ता दीहा लण्हा सरिसा य रायाण || १९४५ ॥ सोमं समुज्जलं अमलिणं च चंदोवमं नरिंदाणं । विवरीयमधन्नाणं होइ मुहं लक्खणविहीणं ।। १९४६ ।। निम्मंस- आयएहिं या रोमस - विउलेहिं हुंति कन्नेहिं । रायाणो ससिरेहिं ह्रस्सेहिं य हुंति पावनरा ।।१९४७ ।। संपन्न - समसल-कूचरहियगंडेहिं नरवई हुंति ।
सरला य सहविवरा समुन्नया नासिया धन्ना ।।१९४८ ।।
Jain Education International
सिरिभुयणसुंदरीकहा ॥
For Private & Personal Use Only
।।१९४४ ।।
www.jainelibrary.org
