________________
१६९
सिरिभुयणसुंदरीकहा ॥
“उवविससु"त्ति पभणिओ विसुद्धवसुहाए उवविट्ठो ।।१८३९।। तो तत्थ मुणिवरेणं केवलनाणोवलद्धतत्तेण । कहिओ दयापहाणो धम्मो सव्वन्नुपन्नत्तो ॥१८४०।। तो कुलवई धरंतो पणामवसविहडियं जडाजूडं । लद्धावसरो पुच्छइ मुणिनाहं पंजलिकरग्गो ।।१८४१ ।। "भयवं ! इमस्स नीसेसं वइयरं कहह मह कुमारस्स । को एस ? कस्स पुत्तो ? कहमिह रन्नम्मि परिवसइ ?" ||१८४२।। तो केवलिणा भणियं “कुलवइ ! अइसुंदरं तए पुढे । आयन्नसु एगमणो वइयरमेयस्स कुमरस्स" ।।१८४३ ।। तो भयवया असेसं सम्मं नाऊण केवलबलेण । जहवित्तो परिकहिओ वुत्तंतो कुमरपडणंतो ॥१८४४।। तो कुलवइस्स एयं सोऊणं वइयरं कुमारस्स । कालंतरिओ वि पुण नवीहुओ सोयपब्भारो ॥१८४५।। तब्वेलं चिय परिसागएण अब्भुट्ठिऊण कुलवइणा ।
आलिंगिओ कुमारो सिरम्मि परिचुंबिओ तह य ।।१८४६ ।। नियउच्छंगे ठवई पुणो पुणो उल्लसंतसंतोसो ।
आलिंगइ परिचुंबइ अवलोयइ तह विसूरई य ।।१८४७।। वणदेवयाहिं पुढे “इमस्स किं होइ कुलवई भयवं !? । तो भयवया वि कहिओ वुत्तंतो कुलवइस्सावि ॥१८४८।। पच्चक्खनिसुयनियचरियजायदढपच्चएण कुलवइणा । वसुहालुलंतजडभारभासुरं पणमिओ साहू ।।१८४९।। “सव्वन्नू होसि तुमं सुनिच्छियं मह चरित्तकहणेण ।
Jain Education International
For Private & Personal Use Only
www.jainelibrary.org
