________________
सिरिभुयणसुंदरीकहा ॥
नीसेसकुलमहीहर-परिवाडिविराइओभयपएसो । मेरुव्व पलयकाले संचलिओ भुयणभयहेऊ ।।१६६४।। अइगरुयनियपरक्कम-तिणलहुपरिकलियसयलजयसुहडो । भुयणेक्कमहावीरो अप्पडिहयपयडियपय(या)वो ॥१६६५।। निस्सीमउत्तरावहनिक्किंतियबहुतुरुकूबलनिवहो । नरसीहो नामेणं समागओ समरभूमीए ।।१६६६।। सो पुव्व-दक्खिणावर-निहयनरिंदाण सव्वसेन्नेहिं । नियसामिमारणुप्पन्नगरुयरोसेहिं परियरिओ ||१६६७।। विरइयचक्कव्वूहो ‘विसमो सतु' त्ति च्छड्डियववत्थो । समकालमोत्थरंतो अभि(भि)ट्टो सूरसेणस्स ।।१६६८।। तं एतं दतॄणं रणरसपसरंतपुलयपरिकलिओ । पडिपेल्लिऊ ण सरहं नरसीहं जा पडिच्छेइ ॥१६६९।। ता तेहिं पुव्वसंकेयसेन्नदिन्नावयासमग्गेण । गंतूण तुंबमज्झे हक्कइ नरसीहरायाणं ||१६७०।। जह जह अंतो पविसइ तह तह सेन्नेहिं निबिडबंधेहिं । वेढिज्जइ नरनाहो मेहेहिं व दिणयरो गयणे ।।१६७१।। तो समकालं नीसेस-दिसिवहुल्लसियकलयलरउदं । लंघियखत्तायारं हम्मइ सूरो बलोहेहिं ।।१६७२।। सरब्भ-सर-सत्ति-सच्च(?)ल-तिसूल-पासासि-पट्टिस-घणेहिं । चावल्ल-सेल्ल-भल्लय-भल्लीहिं निरुद्धदिसियक्कं ।।१६७३ ।। खग्गु-ग्गकुंगि-मोग्गर-मसुंढि-मग्गण-फुलिंगपज्ज(ज)लंतं । घणकुंत-चक्क-कत्तरि-कणय-सयावत्तदुब्भारं ||१६७४।।
Jain Education International
For Private & Personal Use Only
www.jainelibrary.org
