________________
रिभुयणसुंदरीकहा ॥
सुसमत्थ-जियस्सम-अट्ठतुरयजुत्तं महारहं सुदिनं । आरुहइ सूरसेणो निज्जियसत्ताससूररहं ॥ १५९८।। तो पुव्वदेसराया बलवंतो गरुयविक्कमपयावो । हरिसेणो नामेणं उवट्टिओ सूरसेणस्स || १५९९ ।। जंपइ सगव्ववयणं एत्तो नरनाह ! देसु मह दिट्ठि । किं अलियधीरिमाए मज्झ अवन्नं पयासेसि ? || १६०० || नणु मट्टियामओ वि हु, पुरिसो परपरिभवग्गिडज्झतो । डहइ परं न हु भंती किमंग ! पुण मारिसी लोओ ? || १६०१ ॥ तो भणइ सूरसेणो सच्चमिणं, को न मन्नए एयं ? | नावन्नेउं पुरिसो भडेहिं किर होउ जो सो वि ।।१६०२ ॥ किंतु ठियाओ कालेण जाओ तुम्हारिसे अवन्नाओ । वयणेहिं न ताव तुहो- सरति नियफुरणहीणस्स || १६०३ || नियफुरणं चिय हरिसेणराय ! गरुयत्तणं पयासेइ । सूरो समुग्गमंतो अप्पाणं कहइ कस्सावि ? ।।१६०४ ।। तो हरिसेणो सिरिसूरसेण-वयणेण कोविओ संतो । आरोयइ कोदंडं संघेई मग्गणे पंच || १६०५।। पच्चारिऊण हरिणा मुक्का सूरो वि तस्स बिउणेहिं । अद्धेहिं च्छिंदइ सरे अद्धेहिं य छत्त-धयचिंधे || १६०६ || तो हरिसेणो वि परिफुरंतरोसारुणच्छिसयवत्तो । पक्खिवइ संधिऊणं वीस सरे सूरसेणस्स || १६०७।। दक्खत्तेणं सूरो बिउणेहिं सरेहिं खंडइ सरोहं । हरिणो सारहि -तुरया मउडं धणुयं च पाडेइ || १६०८ ||
Jain Education International
For Private & Personal Use Only
१४७
www.jainelibrary.org
