________________
१०४
सिरिभुयणसुंदरीकहा ॥
सुमितरदिट्ठाए जइ तुज्झ परं समं होइ ।।११२२ ।। पियसहि! ते तुज्झ गुणा कह वन्नओ ( उ ) मारिसो जणो तुच्छो । जे तियस - खेयण वि हणंति गुणगव्वमाहप्पं ||११२३ ॥ इय तं सव्वं तुह सहि! मन्नामि न हिययवल्लहविहीणं । जं चित्त लिहियनारी- सरिसं संभोगसुहविमुहं ॥ ११२४ || किं निष्फलेहिं सुंदरि ! गुणेहिं अणुरत्तबहुजणेहिं पि । पइसमयं न निबज्झइ गुणन्नुओ जेहिं नियदइओ ||११२५ ।। एयं चिय मह दुक्खं जं तुह लायन्नगुणमहग्घवियं । रन्नलयाकुसुमं पिव विफलं सहि! जोवणं जाइ ।।११२६ ।। जम्मो वि तस्स विफलो न जस्स गिहिणो हवंति जहसमयं । धम्मत्थ-काम-मोक्खा, परोप्पराबाहपरिहीणा ||११२७ ॥
ता सहि! कुणसु पसायं अहिरमसु जहासुहं सह पिएन । पावउ को वि चिरज्जिय- तवोफलं तुज्झ लाहेण ||११२८|| सहि! किं न पेच्छसि इओ एयाउ समं समाणहियएहिं । कीलंति पिययमेहिं कयचाडुसएहिं तरुणीओ ।। ११२९ ।। एयाण तिहुयणं पि हु दुहियं पडिहाइ निययसोक्खेण । तम्हा सव्वसुहाणं होइ निहाणं पिओ एको ||११३०|| किं तेण नवर! कज्जं रज्जेण वि पियपसंगरहिएण । रोरत्तं पि हु रज्जं अणुकूलपियाणुराएण ||११३१।। तम्हा रायकुमारो विज्जाहरदारओ व्व अन्नो व्व । जो तुज्झ हिययदइओ तं कहसु अवस्स आणेमि ॥ ११३२॥ इय भणिए ससिणेहं विलासलच्छीए भणइ चंदसिरी !
सहि ! सव्वं पि कहिस्सं परिसविसुद्धीए हिययगयं ||११३३ ।
Jain Education International
For Private & Personal Use Only
www.jainelibrary.org
