Page Text
________________
२०० पुहवीचंदचरिए दसमे कुसुमाउह-कुसुमकेउभवे
[१०. २११माथड्ढीकयाणं समारूढनववयाणं पि न कोइ रायकुमारो मणमावज्जइ, सुयं च ताहिं जणयपुरओ वेयालिणा पढिज्जमाणं गाहाजुयलं'नेहो सारो रइकीलियम्स, नेहस्स होइ सब्भावो । सम्भाव-नेहरहियाण रइरसो केरिसो होइ ? ॥ २११ ॥
घेप्पंतु धणेण पणंगणाओ धणसंगमेकरसियाओ । सम्भावगज्झहियया छेया कह ताहिं घेप्पंति ?' ॥ २१२ ॥ 6 तओ 'साहिप्पाओ महाकइ' ति विम्हियाण निवेइयं वेयालिणा 'जयमहारायकुलनहयलामलमयंकस्स ___ कुसुमाउहपुहइपालस्स नंदणो महापनछप्पन्नहिययानंदणो सयलकलावियक्खणो सयाकलब्भासरसकयक्रवणो विउ
सचक्कचमुक्कारहेऊ कुसुमकेऊ कुमारो एयासि कई' त्ति। इयसवणपवणसाहेज्जपजलियपज्जुनजलणालिद्धमणकुडिच्छाओ पवड्ढियतस्संगमिच्छाओ ताओ किच्छमच्छन्ति, अओ पेसिओ हं तुम्ह समीवं सामिणा, भणिओ य
'गुणलेसेण वि सैमयं न इंति तुह नंदणस्स एयाओ । मम धूयाओ तह वि हु तम्मि दढं बद्धरागाओ ॥२१३॥ 10 एयाण निग्गुणाण वि महागुणो एस चेव किर एक्को । जं उत्तमसंगमलालसाओ नऽनं समीहंति ॥ २१४ ॥ ता सव्वहा महापुरिसादुल्लहं कारुन्नमुररीकाऊण पेसिऊण कुसुमकेउं कुमारं कीरउ एयासिं मणनिव्वुई' त्ति । अन्नं च
छज्जइ नहउच्छंगे संपुघ्नकलालओ वि हरिणको । ताराहिं तारतेउज्जलाहिं परिवारिओ राओ ॥ २१५ ।। जा सोहा किर करिणो लीलायन्तस्स करिणिमज्झम्मि । सा कत्तो वणयरसंकुले वि एगागिणो रन्ने ? ॥२१६।।
ता पत्तयालमेयं जइ वा वायालयाए कि अम्ह ? । जुत्ता-ऽजुत्तत्थवियारयाण देवो च्चिय पुरिल्लो" ॥ २१७ ॥ 15 एवमुल्लविऊण विरए महाबुद्धिम्मि भणियं कुसुमाउहेण 'जुत्तमेव मंतियं महामंतिणा, किंतु एस मम सुओ संपत्तजोव्वणो वि न छिक्को मयणवियारेहिं । जओवंकं न भणइ, न चलेइ तणुलयं, कुणइ नाइसिंगारं । न निहालइ ललणावलियलोयणं केलिमुहविमुहो ॥२१८॥
वन्नेइ न नारीणं जोव्वण-नेवच्छ-ललियभणियाई । मज्झत्थमणो समणो ब्व नीरसो एस रमणीम् ॥ २१९ ॥ ता न नज्जइ तस्स चित्तं, केवलमत्थि गुरुवयणाराहणमहव्वयं, तेण कयाइ करिस्सइ ममाएसं'ति । 20 जाव य एत्तियं राया वज्जरइ तात्र पडिहारनिवेइओ पत्तो सागेयाहिवरबिसेणमहन्तओ सुगुत्तो नाम, तेणावि
विश्नत्त "देव ! अत्थि अम्ह सामिणो सयलकलापत्तट्ठाओ लट्ठाओ पंचसरपिययमाणुगारिणीओ जणमणहारिणीओ पुहइरयणागरसारियाओ अट्ट दारियाओ । तासिं पुण पुरिसदेसणीणं हिययजाणणत्थं दाविया णेगे रायउत्तपडिच्छंदगा, न य केणइ रंजियाओ। नवरं कुसुमकेउकुमारपडिबिम्बावलोयणवावडाओ लद्धच्छिद्देण व ताडियाओ विसमसरेण । तबियाराविभूयभत्तारोययाइरोगाण ताण 'न कुसुमकेउं कुमारं विणाऽवरो पउणीकरणसमत्थोत्ति 25 पेसिओ म्हि तुम्ह समीवं रायरविसेणेण । तव्वयणाओ विनवेमि देवं- सबहा परोवयारसारचरिओ निरुवचरिय
सोजन्नामयभरिओ दक्खिननीरसायरो कारुनपुनरयणायरो देवो पेसिऊण कुमारं करेउ तासि जीवियरक्वणं"ति । ___जाव य पुव्वजुत्तीए तं पडिभणइ ताव पविट्ठो वच्छाहिवदूओ सुभणिओ नाम, सविणयं च भणिउं पवत्तो 'देव ! विन्नत्तं साहावियगुणाणुराएण जयतुंगराएण-अस्थि मम रूव-सोहग्ग-विज्जाविजियरइ-सिरि-सरस्सईओ मइविहवोहामियबहस्सईओ सयलविनाणवियक्रवणाओ अंगोवंगपइट्ठियपगिट्टलक्षणाओ उवहसियनागकन्नयाओसोलसं 30 कनयाओ । तासिं च समाइटो दिट्ठपच्चएण नेमित्तिएण कुसुमकेउनामो तुह तणओ पाणिग्गाही, ता ममाणुग्गहेण पडिच्छह एयाओ, पेसिज्जउ य तुरियं कुमारपुंगवो 'त्ति ।
१संकेत:-"छप्पन्न ति विद्वांसः" । "छइल" खंरटि. ॥ २ "कुडीरम्" खं१टि० खंटि• ॥ ३ "समताम्" खंटि० ॥ ४ महाराणा खं२ ॥
Jain Education International
For Private & Personal Use Only
www.jainelibrary.org
| SR No. | 001370 |
| Book Title | Puhaichandchariyam |
| Original Sutra Author | Shantisuri |
| Author | Ramnikvijay Gani |
| Publisher | Prakrit Text Society Ahmedabad |
| Publication Year | 2006 |
| Total Pages | 323 |
| Language | Prakrit, Sanskrit |
| Classification | Book_Devnagari & Literature |
| File Size | 9 MB |