Page Text
________________
5
10
15
20
१७०
पुहवीचंदचरिए अट्टमे गिरिसुंदर - रयणसारभवे
[ ८.२०१
defa धम्म भाउसाए अभिनंदिऊण नरवइणो । पारद्धा विहिणा धम्मदेसणा सुहनिसन्नस्स || २०१ ॥ 'पयइअसारे विरसे संसारे निम्बकुसुमसारिच्छे । मा कुणसु रई महिवइ ! असासए इंदयाले व्व ॥ २०२ ॥ जम्मं मरणस्स कए, उप्पज्जइ जोन्वणं जराकज्जे । रूवं रोगावासो का णु सुहासा भवे भूव ! १ || २०३ ॥ रुज्जइ एगेसि घरे, गिज्जइ नचिज्जई य अन्नेसिं । आसन्न मंदिराण वि जत्थ भवे तत्थ किं सारं ? || २०४ | विलसति दिति एगे, सुयंति अन्ने उ लंघणं काउं । एगोयरा वि जम्मि उ भवस्स का सारया तस्स ? ॥ २०५ ॥ तावन्ति रोग-सोगा, मरणभयं निच्चमेव सन्निहियं । आसासपयं पत्थिव ! भण किमिह भवम्मि पावम्मि १ ॥ २०६ ॥ जं पीमं भोगसुहं भुजंतं कुणइ पाणिणो तुट्ठि । सुत्रिणोवभोगसरिसं तयं पि तित्तिं न संजणइ ॥ २०७ ॥ एयासत्ता सत्ता धम्मं न कुणन्ति जिणवरुद्दिद्धं । पञ्चंति तओ धणियं पुणो पुणो गन्भकुंभी || २०८ ॥ इय एयम्मि असारे नरिंद ! खणभंगुरम्मि संसारे । न खमं खणं पि रमिउं विभायजिणिंदवयणस्स' ॥ २०९ ॥
एवमतो राया गहिओ तिव्त्रसंवेगेण, मुको दुरासाए, आलिंगिओ चरणपरिणामेण दूरीकओ अविरईए सव्वहानियतपुत्त- कलत्त- रज्जकज्जग्गही वंदिऊण मुणिवरं जंपिउं पत्रत्तो 'भयवं ! मोहनिदानिरुद्धसुद्धबुद्धिचेयत्रो
बोहिओ हं भगवया उदत्तदेसणापाहाउयतूरनिग्घोसेण' । ता 'पाविऊण जयनंद णमुर्णिदार्णिदपायारविंदमवस्सं' पव्वइस्सं 'ति' कयनिच्छओ गओ नरिंदो समंदिरं । निवेइओ निययाहिप्पाओ रयणसारस्स । बहुमनिओ तेणावि, जंपियं च
'अणुभूयं पिसता सामन्नसुहं जए असामन्नं । सुहलवलुद्धा मुद्धा गिहवासे हा! ठिया कह णु ? || २१० ॥ मोहिज्जेति वराया अनायतत्ता इहावरे सत्ता । जाईसरा मुहा कह मुद्रा मो दिट्ठचोरेहिं ? ॥ २१९ ॥ ता सव्वा न जुत्तं मुहुत्तमेतं पि संपयं बसिउं । काराहरघोरयरे गिवासे दुक्कयावासे ॥ २१२ ॥ धना य गाम- नयरा संपर विहरंति जत्थ सुहनिहिणो । जयनंदणसूरिवरा सुसत्थवाहा भवारने ' ॥ २१३ ॥ एवं च परिभावंता वद्धाविया ते उज्जाणवालएण
' जस्स वयणारविंदे लद्धरसा नयणमहुयरा तुम्ह । न लहंति रई अन्नत्थ कत्थई किर निमेसं पि ॥ २१४ ॥ जस्स य पयपउमजुयं हिययसरे निच्चमेव तुम्हाणं । चिह्न चित्तालिहियं व सुत्थियं एगरूवेण ।। २१५ ।। सोऊण नाम- गोयं पि जस्स तुम्हाण हिययमुल्लसर । गिम्हुम्हतवियसिहिमंडलं व नवमेहरसिएण ॥ २१६ ॥ सो पणयपणयपाणिप्पणामियाणंतकंतकल्लाणो । मन्नामि देवपुन्नेहिं आगओ मुणिवई अज्ज' ॥ २१७ ॥
तओ 'समागओ भगवं सुगिहीयनामधेओ जयनंदणमुणीसरो' त्ति ससंभमं सिंहासणाओ ओयरिऊण अभि25 गमिण य सत्तट्ठ पयाई तत्थट्ठिएहिं चेव वंदिओ राय-जुबराएहिं भयवं, दिनं च मणोरहाइरित्तं वित्तं वद्धावयस्स । तत्तो विभत्तिनिभरमणेहिं गंतूण वंदिओ विहिणा । पीयं च तम्मुहाओ सुदेसणावयणपीऊसं || २१८ ॥
ओ निवेइऊण निययाकूयं गुरूणं तयणुनाया गया समंदिरं, दाऊण य सुरसुंदरकुमारस्स रज्जं निव्वत्तियजिणगि महामहा संपाइयसमण संघपूओवयारा संतोसियदीणा ऽणादाइसमत्थअत्थिसत्था महाविभूईए गयो गुरुसमी । पव्वइया य सममणेगमन्ति-सामन्त-सृद्धन्तेहिं । 'फलिओ मम सुत्रिणओ संजमकप्पपायवारोहणेणं' ति 30 परितुट्टो नरिंदमुणी । तओ गुरुबहुमाणसारमहिज्जियाई एगारसंगाई, अन्युट्टिया चरणकरणेसु, समुज्जया तवो१ भुज्जंतं ख२ भ्रा• ॥ २ माइतो भ्रा० ॥
Jain Education International
For Private & Personal Use Only
www.jainelibrary.org
| SR No. | 001370 |
| Book Title | Puhaichandchariyam |
| Original Sutra Author | Shantisuri |
| Author | Ramnikvijay Gani |
| Publisher | Prakrit Text Society Ahmedabad |
| Publication Year | 2006 |
| Total Pages | 323 |
| Language | Prakrit, Sanskrit |
| Classification | Book_Devnagari & Literature |
| File Size | 9 MB |