Page Text
________________
२१४] गुणसायरकेवलिदेसणा, सुरवइराइणो पव्वजागहणं निव्वाणगमणं च ।
१५१ एवं च दुल्लहतमो जिणनाहधम्मो, संसारसिंधुतरणम्मि अझहेऊ ।
ता एत्थ पुन्चमुकरहि कहिं पि पत्ते, निच्चं पि उज्जममहो भविया ! करेह' ॥ २०१॥ एयमायग्निऊण भणियं हरिवेगेण 'भयचं ! एवमेयं, न खलु गुरुसंपओगं विणा धम्मसंपत्ती, अन्नहा कहमेसो गुणुत्तरो वि पउमुत्तरो चिरं धम्माओ वंचिओ ?' ति । सुरवइणा वि संलत्तं 'भयवं ! वीयरागदेवो निम्महियकम्मलेवो सव्वगुणरासी मोहतमनासी निस्सीमनाणो नीसेसदेवप्पहाणो सबनियदिनाभयदाणो कयासेसदुत्थियसत्थताणो, 5 तहा एस जिणधम्मो सयलगुणरम्मो वियारसारो सुविसुद्धचारो सन्नाणसोहिओ असामनसोहिओ अकलंकचेठो सयलजयजेट्ठो, ता कीस पुण एए वराया रायाइलोया पासंडिगा य धम्मत्थिणो वि अन्नन्नदेवाराहणेण तहाविहविहलकिरियाहि य अप्पाणमायासिंति ? । भयवया भणियं "महाराय ! जेण जं पावियव्वं तस्स तयणुरूवो चेव ववसाओ हवइ । तहाहि
मोत्तूण चक्कवट्टि मंडलिए चेव केइ सेवंति । अन्ने मंडलिए वि हु मोत्तूण खंडमंडलिए ॥ २०२॥ 10 अन्ने वि गामसामि हलसामि नड-भडाइयं अध्ने । अग्ने भिक्खयराणं कम्मयरत्तं पयजति ।। २०३ ॥ अत्यत्थिणो वि एए तारिसयस्स हि कुणंति किर सेवं । भोत्तव्यं वित्तिफलं जारिसयं पुन्चकम्मेहिं ।। २०४ ॥
एमेव देव-धम्मे सब्बो सेवेइ तारिसे चेव । जारिसओ परलोए पावेयव्यो फलविसेसो।। २०५ ॥ तहा
जो जारिसफलजोगो धम्म पि हु तारिसं तओ कुणइ । वहइ खडं कुम्मरिओ भत्तयपागस्स कजेण ॥२०६॥ 15 अनं चवामोहिओ वराओ धम्मत्थिजणो कुसत्थयारेहिं । इंदियवसएहिं विचित्तउत्तिनिउणेहिं धुत्तेहिं ॥ २०७ ॥ जं चिय सुहकरणिज्ज, अणुकूलं जं च करणगामस्स । तं धम्माय सुणंतो न रमइ धम्मे जिणुद्दिटे ॥ २०८ ॥ बंभवयमइघोरं कोहाइविणिग्गहो अहिंसा य । निस्संगतवचरणं सुहझाणं मोक्खगइमूलं ॥ २०९॥ अंगीकाउमसत्ता धण-धणिया-तणय-कणयतत्तिल्ला । बिति घरासममसमं धम्मं विसयामिसासत्ता ।। २१० ॥ 20 'जलमज्जणेण धम्मो पावखओ मंतजावमेत्तेण । तरुरोवणेण गोवंदणेण होमेण वा धम्मो ॥२११॥ मणइच्छापूरणओ सुन्नज्झाणेण आयपूयाए' । इय निमुणता मुद्धा कह नाम रमंति जिणधम्मे ? ॥ २१२ ॥ पावं पि धम्महेउं मूढा साहिति सुद्धधम्मीणं । आउरजणधणलुद्धा अणोसहं कूडवेज व ॥ २१३ ॥ ता परिभावसु नरवर ! इय ढसरसएहि मोहिए लोए । रजं व सुद्धधम्म बिरला पाविति कयसुकया" ॥२१४॥
एवं च सुणमाणस्स महारायस्स वियलिओ कम्मगंठी, पाउभूयं सम्मदंसणं, संपत्ता जहॅट्ठियदेवाइवत्थु- 25 परिन्ना, पवढिओ कुसलपरिणामो, कमेण खओवसममुवगयं चारित्तमोहणिज्जं । तओ संजायचरणपरिणामो 'कओ चेव भगवया महामिच्छत्तगड्डानिबुड्डस्स हत्थावलंबदाणेण ममाणुग्गहो, तहा वि संजमगिरिसिहरारोवणेण कीरउ संपयं परमाणुग्गहो' ति भणंतो पणओ मुणिंदपायारविंदे नरवई, अब्भुवगओ गुरुणा, जाओ विसुद्धमणो समणो । उत्तरुत्तरसंजमकंडयारोहणेण समाराहियविसुद्धधम्मो निट्ठियटकम्मो पाविओ परमपयसुहसंपयं ति ।
पउमुत्तरो वि पडिवनसमणोवासगधम्मो अहिसित्तो हरिवेगेण जणयपए पत्तो पुन्नायड्ढियमहिड्ढियाणेग- 30 सामंतमत्थयालिरिंछोलिचुंबिज्जमाणपायपउमो पयंडदंडमहामंडलियभावं । अन्नया रज्जमुत्थं काऊण नीओ हरिवेगेण
१ नबोहिओ जे० ॥ २ संकेत:-"कुम्मरिउ ति कर्मकरः" ॥ ३ भत्तयमाणस्स जे०विना ॥ ४ जहडिया दें ख१ खं२ ॥ ५ बुद्रुकम्मो जे०विना ॥ ६ परमसुह भ्रा. ॥
Jain Education International
For Private & Personal Use Only
www.jainelibrary.org
| SR No. | 001370 |
| Book Title | Puhaichandchariyam |
| Original Sutra Author | Shantisuri |
| Author | Ramnikvijay Gani |
| Publisher | Prakrit Text Society Ahmedabad |
| Publication Year | 2006 |
| Total Pages | 323 |
| Language | Prakrit, Sanskrit |
| Classification | Book_Devnagari & Literature |
| File Size | 9 MB |