Page Text
________________
पुहवीचंदचरिए पुण्णचंद-पुप्फसुंदरीभवे ठवियं च तस्स सुविणाणुसारओ सम्मएण बंधृणं । नाम जणाभिरामं सुवासरे पुन्नचंदो त्ति ॥१४॥ सयलकलासिरिकलियं तारुघ्नमहम्नवं पि ओइन्नो । न हि वाहिज्जइ धन्नो जलप्पयारेण थेवं पि ॥ १५ ॥ तहाहिवसणी कलाकलावे कीलइ पण्होत्तराइकव्वेहिं । कुणइ विणोयं गंभीरभावपत्थावपाढेण ॥ १६ ॥ लज्जइ ज़्यकहाए, उब्बियइ विलासिणीण वत्ताए । न सहइ नाम महु-मज्ज-मस-पारद्धिगिद्धाणं ॥ १७ ।। अह रयणावलिदेवो दीवो डव पवणपेलिओ सहसा । चत्तसरूवो चविउं तत्तो किर देवलोगाओ ॥१८॥ तत्थेव पुरवरीए देवीए भाउणो विसालम्स । सामंतस्स पियाए जयाए दुहियत्तमणुपत्तो ॥ १९ ॥ सुविणम्मि पुप्फमालोवलंभओ पुप्फसुंदरी नाम । उबहमाणी एसा वि पाविया जोवणारंभं ॥ २० ॥ नवरं अपावचरियं न पावचरिओ तमीसँरो सरह । कह वा विसमसहावाण होइ एगत्थ संवासो ? ॥२१॥ मिय-मंजुल-ललियगिरा थिरा सलज्जाअरोसणा सरला। विणय-नयनिउणचरिया कुसला य कलासु सा वाला ॥ अवि यभुवणभमणपरिसंतो चिरस्स लहिऊण तं वरावासं । विस्समहेउं सयलो तमासिओ गुणगणो नूणं ॥ २३ ॥ अह सिसिरे अंवसंते माणे माणिणिजणस्स पेवसंते । सोसियविरहिवसंते संपत्ते अहिणववसंते ॥ २४ ॥
जणणी-जणयाएसा पत्ता सहिवग्गसंगया एसा । माहवसिरिरेहिल्लं नयरुजाणं दुरेहिल्लं ॥ २५ ॥ 15 तत्थ वियड्ढसहीओ तीसे सिंगारहारिवयणेहिं । दाइउमारद्धाओ उज्जाणसिरिं समंतेण ॥ २६ ॥ अवि य
"उय सामिणि ! वणराई स चिय महुणाऽहियं कया रम्मा । पइसंगमेण नूर्ण भुवणे रेहंति रमणीओ ॥२७॥ कुमुमच्छलेण एसो दावेईवाऽणुरायसवस्सं । रत्तासोओ माहवसिरीए चिरकालमिलियाए ॥ २८ ॥
पूगेण नागवेल्ली सोहइ, तीए विरायए पूगो । पियसहि ! नर-नारीणं सोहा अन्नोन्नसावेक्खा ॥ २९ ॥ 20 दाहिणपवणंदोलियमल्लियलेयणी उतभसलस्स । सयमेव मुहं चुंबइ मन्ने महुणा केयुक्कंठा ॥ ३०॥
एक्केकमहुन्वयपिज्जमाणमयरंदगुंदिसंदोहा । पियपरिगयदारा इव सहति चूयढुमे पेच्छ ॥ ३१ ॥ उज्झियकुसुमाभैरणा पउत्थवइय व्य जाऽऽसि महुविरहे । कुलवालिय व्व नवमालिया वि महमहइ-सा इण्डिं ॥३२ पेच्छ इमा पसयच्छी ! गोत्तक्खलणेण कोविया मुहया। मयणाउरेण पइणा अणुणिज्जइ पायवडिएण ॥३३॥ एसा वि सही ! लज्जं मोत्तुं माणं च मयणवाउलिया। सयमालिंगइ दइयं परिकुवियं पेमकलहेण ॥ ३४ ।। इह पेच्छ मिहुणयाइं कुणंति पेम्मम्मि कोसकिरिय व्य । अन्नोनमुहपणामियमइरागंडूसपाणेण ॥ ३५॥ एयाओ सकताओ उम्मुह-ओमुहकडक्वलक्खेहिं । सुर-असुरसुंदरीओ हसंति अंदोललीलाए" ॥३६॥ हिययस्स अरोयंतं सोउमिणं पुप्फसुंदरी तासिं । भणियं भणइ सुभणिया 'पियसहि ! गेहं पइ वयम्ह ॥ ३७॥ दिढं जं दट्टव्वं, निसुओ तुम्हाण वयणविनासो । संपाइया य आणा जणयाणमओ किमनेण? ॥ ३८॥
ताहे 'कुविय' त्ति संभमुभंतनयणसयवत्ताए पणामपुनमुल्लवियमसोगदत्ताए ‘मा मेवमाणवेउ कलहंसलील
१संकेत:-"जलस्य जला( ? डा)नां च-अशानां प्रचारेण" ॥ २ तहाहि इति पाठो जे. प्रतावेव ॥ ३ सङ्केतः-"ईसरो त्ति मन्मथः" ॥ ४ "सङ्केत:-"अवसंते त्ति निवृत्ते" ॥ ५ संकेत:-पवसंते ति दूरं गच्छति' ॥ ६ संकेत:-"सोसियविरहिवसंते त्ति शोषितविरहिवंशात्रे (? वशान्त्रे)" ॥ ७ “द्विरेफवत्" खं २ टि० ॥ ८ नागवल्ली खं १ भ्रा० ॥ ९ संकेत:-"लयणि त्ति पाखा' ॥१० कउक्कंठा जे• विना ॥ ११ सङ्केत:-"गुंदि त्ति लुम्बी" ॥ १२ माहरणा जे. विना ॥ १३ इय में सं २॥
Jain Education International
For Private & Personal Use Only
www.jainelibrary.org
| SR No. | 001370 |
| Book Title | Puhaichandchariyam |
| Original Sutra Author | Shantisuri |
| Author | Ramnikvijay Gani |
| Publisher | Prakrit Text Society Ahmedabad |
| Publication Year | 2006 |
| Total Pages | 323 |
| Language | Prakrit, Sanskrit |
| Classification | Book_Devnagari & Literature |
| File Size | 9 MB |