Page Text
________________
पुहवीचंदचरिए चउत्थे देवरह-रयणावलीभवे
४. १६६
को नाम नरकुरिंटयपसवं संसइ सुरूवकलियं पि । अब्भुयभूओ भुवणं भमेइ जत्तो न जसगंधो ? ॥ १६६ ॥ को उत्तमाण माणो कुलक्कमेणाऽऽगयाए भूईए ? । खायंति आमिसं कुक्कुरा वि तुट्टा पहुविदिन्नं ।। १६७ ॥ उबहउ पुरिसवायं एक्को पंचाणणो पयडगव्वं । नियविक्कमेण पत्तो मइंदसद्दो जए जेण ॥१६८॥ ता सबहा देसंतरं गंतूण करेमि नियपुन्नपरिक्खं"। ति संपहारिय निवेइओ णेण नियाभिप्पाओ पुन्नभदसचि5 वस्स । तेणावि भणियं देव ! को तुम्ह इच्छाभंग करेइ ? तहा वि विन्नवेमि-दुग्गमाई देसंतराइं, वहुअवाया मग्गा, छिद्दन्नेसिणो पञ्चत्थिणो, अणायाससहं च देवसरीरं, अओ पालेह पत्तरज्जं, एयं चेव महापुन्नफलं, किं फलंतरसमीहाए ?' एमाइ बहुं पि मंतिणा भणिो न ठिओ राया। काऊण य मंतिगुत्तं पच्छिमनिसाए खग्गसहाओ निग्गओ नयराओ, चलिओ उत्तराभिमुहो । कहं ?उच्छाहरहारूढो अंगीकयपुग्नसेनसन्नेझो । परिओसनिब्भरो रायवाडियं काउकामो न्च ॥ १६९ ॥ पेच्छंतो नाणाकोउगाई गुरुगाम-नयर-निगमेमु । दीसंतो विम्हयरसफारियनयणाहिं तरुणीहि ॥ १७०॥ जस्सेव गिहे पविसइ देवो इव निद्धवंधुबुद्धीए । कयसम्माणो सव्वेण तेण धणियं धरिजंतो ॥ १७१ ॥ अकुणंतो पडिबंध कत्थइ मुणिपुंगवो बऽणुधिग्गो । पत्तो कयाइ वियर्ड नरवसहो भीमकंतारं ॥ १७२ ॥ सजा-ऽऽरवंज-जुल-वड-वेडसि-कुडय-कडहपडहत्थं । अंकोल्ल-बिल्ल-सल्लइ-कयमाल-तमाल-सालड्हें ॥१७३॥
निबंब-उंब-उंबर-काउंवरि-बोरि-केर-खइरघणं । पिप्पल-पलास-नल-नील-झिल्ल-भल्लायइकैडिल्लं ॥ १७४ ॥ 15 जंबु-कयंबंबिलिया-कवित्थि-कंथारि-थोहरापउरं । टिंवरुणि-वरुण-अरडुय-सिरीस-सीवनिसंकिन्नं ॥ १७५ ॥
हिंताल-ताल-सीसम-समि-सिंबलि-लग्ग-सग्ग-बबूलं । धव-धम्मण-घणवेणुय-पाले दु-हलियाइन्नं ॥ १७६ ॥
तडबडय-अक-कंकइ-कंटिय-खिरि-भिंडियालिदुग्गम्मं । घणसेलि-सेलु-झिंझिणिविणिवारियचलणसंचारं ॥ १७७ ततो
अगणितो पंचमुहे गुंजते गरुयगिरिनिगुंजेसु । निज्झायतो निहुयं पमुत्तबग्घे घुरुक्कते ॥ १७८ ॥ 20 केसरिछिप्पायंपियतरुतत्थविहंगविरुयतुमुलेण । मुहलियमासाचकं निव्वन्निंतो समंतेण ॥ १७९ ॥
जा केत्तियं पि पत्तो वणभूमि ताव पेच्छई पुरओ । कंठत्थकणयदोरं सविज्जुयं पाउसघणं व ॥ १८० ।।. सवणगयसंखमालं गयणं व बलायपंतिसंजुत्तं । लवंतबालगहवइसच्छहपवरंकुसक्खधं ॥ १८१ ॥ मंजुलघंटासिंजियउग्गीवीकयकुरंगसच्चवियं । वरवारणमइसयचोजकारणं नियइ नरनाहो ॥ १८२ ॥
'कह पुण एत्थारने एवसरूवो करि ? त्ति चिंतेतो । करिणा वि झत्ति दिट्टो हरि ब भयविरहिओ एसो॥१८३ 25 ___ ऊसियसुंडादंडो पत्तो तत्तो निवंतिय दंती । अभिरामिऊण सुइरं वसीको पत्थिवेणावि ॥ १८४ ॥
अह गयणमंडलाओ रम्नो कंठम्मि निवाडिया झत्ति । 'रुटिररसाउजाला अउव्यगुंफा सुमणमाला ॥ १८५ ।। विम्हयवसेण सहसा निज्झायंतेण नहयले निसुयं । वच्चंतीणं जुबईण जंपियं 'साहु वरिय' ति ॥ १८६ ॥
ततो विम्हयरसमणुहवंतो कयथिरासणबंधो कुसुमदामोवसोहियखंधो मणपवणवेगेण महानागेण पसंतपरिस्समदुहो पत्थिओ उत्तराभिमुहो । दूरंतरपनो य मणयमुप्पन्नतण्हायरसंतावो पेच्छइ पुरओ विविहविहंगकोला30 हलमुहलं वेल्लंतमहल्लकल्लोलमालियापणोल्लणापयट्टविसट्टकंदोट्टनट्टविमलजलं सिणिद्धवणराइरायंतमहंतपरिसरं एगं
महासरं । ततो
१ उंबरि-बोरि-कार भ्रा०॥२ सङ्केत:-"कडिलं ति गहनम्" ॥३वग्घे उ घोरते जे विना ॥ ४ सङ्केत:-"छिप्पं ति पुच्छम् ॥ ५ सङ्केत:-"रुटिररसाउ त्ति गुञ्जमराः" ॥
Jain Education International
For Private & Personal Use Only
www.jainelibrary.org
| SR No. | 001370 |
| Book Title | Puhaichandchariyam |
| Original Sutra Author | Shantisuri |
| Author | Ramnikvijay Gani |
| Publisher | Prakrit Text Society Ahmedabad |
| Publication Year | 2006 |
| Total Pages | 323 |
| Language | Prakrit, Sanskrit |
| Classification | Book_Devnagari & Literature |
| File Size | 9 MB |