Page Text
________________
३८] देवरह-रयणावलीणं जम्मो, रयणावलीसयंवरपत्थियस्स देवरहस्स चंदगइविजाहरवित्तंतसवणं च। ८३ वाडंबरो, जइ तं कन्नयमन्नो विवाहेइ ता महंती ममोहावणा, ता करेहि तात्र पुरिसायत्तं, गच्छाहि तत्य, परं देवो' पमाणं' ति । ऐयं जणयकयं गंभीरत्थपत्थणमायनिऊण दक्खिन्नसारयाए जणयबहुमाणाओ अकामेण वि 'जं ताओ आणवेई' त्ति बितेण अब्भुवगयमिणं कुमारेण । तओ पसत्थवासरे पयट्टो रंगंतोरुतुंगतुरंगथट्टेण, मयवसऽड्डवियड्डाहिंडणुड्डमरघोरभूरिदोघंटेण, गुरुचकचिक्काररवुकंपियपमुक्कपहपहियपलोइज्जमाणरहोहेण, विविहपहरणवग्गवग्गण-रंगणुल्लंघणाइविलासलसंतजोहसंदोहेण, कयाणेकबुक्क-संबुक्क हुडुक्क-डक्क-ढकारवाडंबरेण,समुच्छलंतातुच्छरय- 5 भरावरुद्धवियडंबरेण, निरंतरायवत्तपंतिपवित्तमहंतचिंधसंदोहसंछनेण, महया सेन्त्रेण । लंघियाणेगगामा-ऽऽगरेण य वच्चंतेण दिट्ठो णेण एगत्थ वणंतरे छिन्नपंखो इव विहंगमो उप्पयणमुयमणो तदसमत्थो य विदारयाणुगारिख्वो विदाणदीणाणणो विज्जाहरजुवाणो । तओ समुप्पन्नो तं पइ दयापहाणो सिणेहबहुमाणो । अवि यकजसहे इयरम्मि य उवयारपरा निसग्गओ सुयणा । वरिसंति वल्लरे कल्लरे वि मेहा सहावेण ॥ ३८ ॥
सुयणसहावाओ सबहुमाणमाभासिओ कुमारेण पुच्छिओ य 'महाभाग ! कुओ तुम ? किं निमित्तमिह 10 चिट्ठसि ? त्ति । तेण भणियं 'सुयणवर ! तुम्भे मग्गसंठिया तहा वि संखेवओ मुणह
अस्थि इहेव विजए वेयड्ढगिरिमंडणं कुंडलं नाम नयरं । तत्थ य गुणगणसमिद्धो वि अणुओ सिरिद्धओ नाम राया। तस्स पुत्तो चंदगईनामो अहं कुलकमागयाणेगविज्जाहिं जहिच्छमभिरममाणो विहरामि । अन्नया मए उबरिममेहलाए वियरमाणेणाऽऽयनिओ वणगहणगयरमणीण करुणहाहारत्रो । ससंभमं धाविएण य दिट्ठा सहीयणदिज्जमाणचेलंचलानिला सुरवइसावनिवडिय व्य सुरंगणा मउलियनयणकमला धरणीयलपमुत्ता खयरकंन्ना। भणियं 15 च मं उदिसिय संभंताहिं ताहि 'एहि एहि लहुं सुपुरिस ! जियावेहि एयं विसहरविसविवसीकयं गंधवनरिंदनंदणि कुमारिंग' ति । तओ कारुन्नावन्नचित्तेण मए तुरियं नीरमाणाविय मुद्दारयणोदएण दिनं से नामणं, सित्तं च सैमत्तं गत्तं, आइद्धा य वामकरंगुलीए मुद्दा । तओ अचिंतयाए मणिमाहप्पस्स निदाविगमम्मि व तीए उम्मिल्लियाई लोयणाई । दट्टण य में सलजं संठवियकैडिल्लोवरिल्लाए पलोइयाइं अंसुजलोल्लगल्लाइं पहसिराइं च सहीयणवयणाई, सविम्हयं च भणियं 'पियसहीओ ! किं पुणेवं विरुद्धागाराओ दीसह ? ममावि साहेह परमत्थं । 20 सहीहिं वुत्तं.'सामिणि ! जं तुममासीविसविसवियारेण अजंपिरी जाया सि तेण परुन्नाओ, जं च इमिणा अणुवकयपरोवयारपरेण खणेण पउणीकया अओ सहसा पहसियाओ, एयनिमित्तो आगारविरोहो' त्ति । तओ तीए मम वयणमालोइऊण सविलक्खं वामकरनिहित्तनेत्ताए पुणो भणियं 'हला ! केण पुण ममेयं मुद्दारयणं आइदं ? । ताहिं भणियं 'सयमेएण महाणुभावेण, एयप्पओगेण चेव तुमं पञ्चुज्जीविया सि'। एयमायन्निऊण किंचि कयन्नुयाए किंचि पचुक्यारचिंताए किंचि मयणरसेण किंचि लज्जाए अणाइक्खणीयमवत्थमणुहवंतीए तीए पुननिउत्तपडिहारीवाहर- 25 णाओ तूरंतो समागओ गंधव्वराया । तेण य अवगयवइयरेण साहुवायसारेण उचिओवयारेण सम्माणिओ अहं, 'सिरिद्रयमुओ'त्ति नियाणुचराओ वियाणिय भणिओ य 'कमार ! गुरुगोरवारिहो तुम, न तुहावरदाणेण पडिकरित्रं तीरइ, ता मुद्दारयणाइंधणनिहेण कयपुव्वं पि करेहि एयाए मम जीवियसारभूयाए धूयाए पाणिग्गहणं'ति । मए
१देवो जे०, दिव्यो भ्रा० ॥ २ एवं ज खं१ भ्रा० ॥ ३ अकामेणावि खं१ भ्रा० ॥ ४ सङ्केत:-" दोघट्ट त्ति हस्तिनः" ॥ ५ छिन्नपक्खो जे०विना ।। ६ सङ्केत:-" वल्लरे ति ऊपरे" ॥ ७ संकेत:-" गुणाः-तन्तवो गाम्भीर्यादयश्व" ।। ८ समिद्धओ वि जे०विना ॥ ९ सङ्केत:-"अणुः-स्वल्पः ध्वजः, अनुद्धतश्च" ॥ १० कन्नया जे०विना ॥ ११ सङ्केत:"नामणं ति नश्यम्" ॥ १२ समत्तगतं जे विना ॥ १३ सङ्केत:-"कडिल्लं परिधानम् , उवरिलं आच्छादनवस्त्रम् " ॥ १४ सङ्केत:-"आइंधणनिहेणं ति परिधानच्छद्मना" ।।
Jain Education International
For Private & Personal Use Only
www.jainelibrary.org
| SR No. | 001370 |
| Book Title | Puhaichandchariyam |
| Original Sutra Author | Shantisuri |
| Author | Ramnikvijay Gani |
| Publisher | Prakrit Text Society Ahmedabad |
| Publication Year | 2006 |
| Total Pages | 323 |
| Language | Prakrit, Sanskrit |
| Classification | Book_Devnagari & Literature |
| File Size | 9 MB |