________________
४३० ] सिरिचंदविरइयउ
[ ४३. ८. ५सरपहरपहयहरिहरिणहत्थि
नामेण पुरूरउ भिल्लु अत्थि । ५ एक्कहिँ दिणि तेण भमंतएण
काणणि पारद्धि रमंतएण । पहमुल्लउ कायकिलेसखामु
दिउ मुणि सायरसेणनामु । सवरेण पयासिउ नयरमग्गु
मुणिणा वि तासु वयविहि समग्गु । घत्ता-मज्जमंसमहुचाउ पंचुंबरपरिवज्जणु ।
__ देवि अणथमिएण सहुँ सम्मत्तु सुहज्जणु ॥८॥
गउ साहु सो वि नियावयाइँ
परिपालिवि कालेणणुवयाई । मुउ हुउ सुरवरु वेसायराउ
सोहम्मु मुएप्पिणु एत्थु पाउ । भरहेसहो पुत्तु मरीचिनामु
जायउ धारिणिहे मणोहिरामु । नरवेसु णाइँ किउ वम्महेण
पव्वइयउ समउ पियामहेण । जिणवयणु सुणिवि अरमग्गि' लग्गु असहंतु परीसह वयहाँ भग्गु । गउ मिच्छत्तीं नाणाविहाइँ
दुक्खाइँ सहेप्पिणु दूसहाइँ । हिंडिवि चउ गइउ अणेय वार
पावेवि चउट्ठय लद्धि सार । तित्थंकरु तिहुयणसामिसालु
हुउ सम्मइ नामें गुणगणालु । घत्ता-सम्मइंसणु एउ जाणिवि दिनु पडिवज्जह ।
सव्वदोसमूलेण मा मिच्छत्तें भज्जह ॥६।।
१०
इच्छंतहो जसु पुरिसोत्तमासु
कुलजायो मरणु वि सुहनिवासु । न य दिक्खिएण इंदियकसाय
वस जीवेण व मेल्लेवि छाय । सुम्मउ एत्थरिथ कहापबंधु
उज्जेणिहं दुत्थियदीणबंधु । पहु सूरसेणु सूरारितासु
सइ सूरसेण महएवि तासु । सुउ एक्कु चेय तहे सूरवीरु
हुउ सुंदरु गुणि सोंडीरवीरु। ५ तही वाहिविणासनिमित्तु तेण
संगहिय भिसय वहुविह निवेण । सम्माणु समीहिउ खाणु पाणु
ते निच्च लहंति पसायदाणु । कालंतरेण सो रायउत्तु
अहिणासिउ पडिउ विसेण भुत्तु । घत्ता-ता ते सयल निवेण सयलविहाणवियाणा ।
हक्कारेवि पउत्त तेणेक्केक्क पहाणा ॥१०॥ १० ६. १ अमरग्गि ।
Jain Education International
For Private & Personal Use Only
www.jainelibrary.org
