________________
१०. ६. १४. ]
-: कहको
[
१२१
नीसरु जाहि न जत्थ पइँ पेच्छमि खल नयणेहिँ ।
एउ सुणेप्पिणु बुद्ध सिरि भासिउ पियवयणेहिँ ॥ मइवर थिरु थाहि वईसरहि
पच्छा जं रुच्चइ तं करहि । को किर पइँ रुट्ठयम्मि धरइ
पुहईसरु जासु वयण करई । इय वयणहिँ कि पि पसण्णमणु
थिउ रायमंति उवसंततणु । बुद्धसें सासणु पोसियउ
तेणावि हसेप्पिणु भासियउ । सुम्मंतु संतु रमणीयतरु
परमत्थें कि पि न अत्थि परु । गिरितरुणयराइ सव्वु खणिउ
कि पइँ न कयाइ एउ सुणिउ। हरिजालु एहु जाणइ निवइ
दावइ मुणि तेणायासे गइ । जइ चोज्जु तुज्झु तो हउँ वि बुह
दक्खालमि लग्ग मुणीण सह। १० इय भणिवि तेण आयासि रिसि
दाविय दरिसावियधम्मदिसि । घत्ता–अवरो वि हु तेण इंदजालु तो दरिसियउ ।
आलोवि संघसिरि माणसि परिप्रोसियउ ।।८।।
पालजालु पेच्छेवि इमु संदरिसियसिवसम्मु ।
सुणिवि वयणु पासंडियहँ छंडि म बुद्धो धम्मु ॥ अायण्णहि सुंदर कहमि कह
जाणहि खलु धम्माहम्मु जह । वाराणसि भुवणि पसिद्ध पुरी
एत्थत्थि सरिद्धि जियन्नपुरी। तहिँ उग्गसेणु नामेण वरु
धरणीसरु धण सिरिदेविवरु।। तो सोमसम्मु अब्भसियसुइ
जणे पयडु पुरोहिउ सुद्धसुइ। पोमावइ पिय पच्चक्खसिरि
उप्पन्न पुत्ति तो लोमसिरि । सा सुंदरि सयलकलासहिया
तायो अईवमणवल्लहिया । हुय पोढ कुमारि मयणमणहो
किय मारि व दइवें जुवयणहो । तहो सोमसम्मदियवरही सया
भुंजंति भगव घरि पंचसया । किउ ताहँ हेउ मढु तेण वरु
तहिँ भगवु भमंतु सुवण्णखुरु । निरु सुंदर नं तारुण्णभरु
नाणाविहसत्थपुराणधरु। घत्ता–विप्पच्चियपाउ बहुपरिवायहिँ परियरिउ ।
आवेप्पिणु सोमसम्ममढासप प्रोयरिउ ॥९।।
१०
Jain Education International
For Private & Personal Use Only
www.jainelibrary.org
