________________
१०. ६. २. ]' कहको
[ ११६ जं मुंडि पट्टनिबंधु सिर
किउ विप्फूरतमणिमउडधरे। मुंडव्वनरेसरु तेण तहो
संजायउ नाउ मज्झि जणहो । किउ सिरिहरेण तउ तम्मि नत्र
सिरिपव्वउ तेण पसिद्ध जय। ५ तो जाउ नाउ दुक्कियहरणु
अज्ज वि जाएप्पिणु नियण जणु । सो वंसु तदाइ विमुक्करउ
मुंडियवंसो त्ति पसिद्धि गउ। . केवलु विहारितित्थंकरहो
नेमिहि वरदत्तहो गणहरहो। उप्पण्णु वियक्खणेहिँ थुणिउ
मुंडियवंसो वि सो वि भणिउ । तहिँ वंसि अणेय नरिंद हुय
सुइ धम्मसील कालेण चुय । १० उप्पण्णु पुणो संपयपउरे
अंधाण देसि धन्नयडपुरे।। नामें धणसेणु नराहिवइ
साहियनियबलेण पराहिवइ । घत्ता-सुंदरमइ सव्वसत्थपुराणायमकुसलु ।
सो सावउ परमु जिणमुणिपायकमलभसलु ॥४॥
अणुदिणु तेणत्थार्ण जणु धम्मस्सवणु करेवि ।
सयलु वि जिणधम्मम्मि दिढु किउ मिच्छत्तु हरेवि ॥ विहिवसिण तत्थ केणावि किउ
गुणगणो मज्झ दोसम्मि थिउ । पाविठ्ठ दुठ्ठ सो बुद्धसिरि
थिउ एवि भिक्खु दुम्मग्गगिरि । तहो परमोवासगु संघसिरि
निवमंति तासु पिय कमलसिरि । ५ सुय सुंदरि नामें बुद्धिमइ
महएवि नरिंदो सा सुमइ । दूरुज्झिवि बुद्धो धम्मु हुय
दिढ साविय मालइमालभुय । संघसिरि एक्कु पर दुट्ठमणु
मन्नइ नउ केम वि देउ जिणु । जामाउ धम्मसंविन्नमइ
दक्खालइ तो जिणधम्मगइ । पर तो वि मणा वि न मणु चलइ बलवंतउ कम्मु न अन्नु लइ । १० नियधवलहरोवरि एक्कदिणे
नरवइ समंति अवरोहखणे । चारणमुणिगुण वण्णंतु गुणि
जामच्छइ घणगंभीरझुणि । तामवहिनाणसयलत्थमुणि
णहि एंत नियच्छिवि सुद्धगुणि । घत्ता-ते पालोएवि सहसुटेवि नरेसरण ।
अइमुहु पइसंत गंपिणु पणवेप्पिणु सिरण ॥५॥
कर मउलेवि पउत्तु पह एह करेवि पसाउ । अणुकंपा सकिंकरहो दरिसह धम्मसहाउ ।
Jain Education International
For Private & Personal Use Only
www.jainelibrary.org
