________________
संधि १०
अच्छीणि संघसिरिणो मिच्छत्तनिकाचिदेण पडिदाइं ।
कालगदो वि य संतो जादो सो दीहसंसारी ।। [भ. पा. ७३६] अच्छीणि चक्षुषी लोचन इत्यर्थः । पडिदाई भूमौ पतिते। कस्य ? संघसिरिणो संघश्रीनाम्नो मंत्रिणः । केन ? मिच्छत्तनिकाचिदेन मिथ्यात्वट्टढबन्धकारणेन । कालगदो संतो मृत्युगतः सन् जादो यातो दीर्घसंसारी महासंसारी।
तिविहेण नवेवि भुवणत्तयगुरुकमकमलु । आहासमि कि पि प्रायण्णह मिच्छत्तफलु ॥धुवयं।। अंधविस सिरिपव्वयह पच्छिम पुरु वल्लूरु ।
अत्थि पसिद्ध उ भुवणयले दुत्थियदुहनिल्लूरु ॥दोहउ।। जसहरु नामेण तत्थ निवइ
महएवि वसुंधरि हंसगइ। १० उप्पन्न पुत्त तो तिन्नि वर
धम्मत्थकाम नं कामसर । एक्कहिँ दिणे निवि विलीण घणु
संजाउ राउ वइरायमणु । गउ एहु मणोहरु मेहु जिह
जाएसइ अवरु वि सव्वु तिह । संसारहो एहावत्थ जहि ।
कि कीरइ इह रइबुद्धि तहिं । किं बहुणा सासय जेण गइ
पाविज्जइ किज्जइ तम्मि मइ। १५ इय चितिवि रंजियजणमणउ
वाहरिवि अणंतवीरु तणउ । पहुणा पुउत्तु पिसुणतयरा
पडिगाहहि नंदण रज्जधुरा । हिउ साहमि जामि परत्तहिउ
विब्भाडमि कम्मकलंकहिउ । आहासइ पुत्तु पवित्तमइ
जा ताय तुज्झु सा महु वि गइ । खलरज्जें कि पि न कज्जु महु
पइँ विणु जणेर केवलउ दुहु। २० सिरिधरण वि विउसदुगुंछियउ
दिज्जंतु वि तं न समिच्छियउ । धत्ता-पियचंदा देवि रज्जु सपुत्तु नराहिवइ ।
केवलिहे समीवे वरदत्तहो संजाउ जइ ॥१॥
जसहरु दुद्धरु चरेवि तउ उप्पाएविणु नाणु । कम्मकलंक विवज्जियउ गउ काले निव्वाणु ॥
Jain Education International
For Private & Personal Use Only
www.jainelibrary.org
