________________
संधि ७
१०
भगिणीए वि विहम्मिजंतीए एयत्तभावणाइ जधा।
जिणकप्पियो न मूढो खवगो वि न मुज्झदि तधेव ।। भगिणीए भगिन्यां विहम्मिज्जमाणाए चौरैः परिगृह्यमाणायाम् एकान्तभावनया नागदत्तः प्राप्तो मनागपि मोहं न गतः । तधेव तथा चैव क्षपको s पि सल्लेखनाकाले मोहं नं गच्छति न मुह्यतीत्यर्थः । अत्राख्यानम् ।
धुवयं-इय नाणाचारहो दोसगुण कहियायष्णह नउ रहमि ।
__ एयत्तभावणा एयमण जं किय जं फलु तं कहमि ।। वस्तु-अत्थि पट्टणु नाम उज्जेणि
खणि धम्ममहामणिहि सुयणलोयसत्थाहँ वल्लहु । पयपालु नरिंदु तहिँ करइ रज्जु परजुवइदुल्लहु ।। चाएँ भोएँ विक्कर्मण रूवें जणजणिएण ।
धम्में समु तो सो ज्जि पर बहुणा किं भणिएण ।। पियधम्म तासु नामेण जाय
सुंदरिहि ताहि बे पुत्त जाय । पियधम्मु एक्कु पियधम्मनामु
बीयउ पियसम्मु गुणोहठाणु। जे स्वं निज्जिउ पंचवाणु
नियबुद्धिन गुरुहु वि मलिउ माणु । १५ एक्कहिँ दिणे तत्थायउ मुणिदु
दमवरु नामेण तिलोयवंदु । तो पासि धम्मु सोऊण वे वि
निविण्ण हय रिसिदिक्ख लेवि । तउ करिवि सग्गु दुहजलणवारि
गय पंचमु पंचसरंतकारि । दोहि मि अणुहुंजियसुहसयाउ
बहुवरिसलक्ख उव्वरिउ पाउ । जेठेण पउत्तु कणिठ्ठ भाइ
पढमं जो अम्हहँ मज्झ जाइ। २० नरलोउ भोउ न मुयइ कयाइ
जइ न हवइ जिणधम्माणुराइ । तो सग्गत्थेण कयायरेण
सो संबोहेवउ भायरेण । दोहिँ मि सुरेहिँ पडिवन्नु एउ
अह मुणि मुयंति किं धम्महेउ । कालेण एत्थु लहु भाउ पाउ
थिरु नत्थि एत्थु देवहँ वि आउ । धत्ता-अहिधम्मु अत्थि नयवंतु निवु उज्जेणिम्मि महानयरि । २५
सो नायदत्तु हुउ तासु सुउ नायदत्तदेविहि उयरि ।। १ ।।
Jain Education International
For Private & Personal Use Only
www.jainelibrary.org
