________________
३. १२ १४. ], कहकोसु
[ २७ तत्थ नवेप्पिणु वीरजिणिदही
वे वि बइठ्ठ मज्झि मुणि विंदहो । धम्माहम्सु सुहासुहसंगमु
अायण्णेविणु तउ कउ निग्गमु । जंतहँ ताहँ लयाहरमंडवि
गायउ केण वि सुरयणतंडवि । ५ तं जहा–मइल कुचेली दुम्मणा नाहें पव्वसिएण ।
किम जीवेसइ धणिय धर डझंती विरहेण ।। सुणिवि एउ दियमुणि मणि सल्लिउ पियह पासु नियगामो चल्लिउ । चलमणु परियाणेप्पिणु धुत्ते
निउ नियनयरहो भोलिवि मित्तें । पुत्तु समित्तु एंतु पेक्खेप्पिणु
सहसा अब्भुट्ठाणु करेप्पिणु। १० नविवि परिक्खाहेउ रवन्नइँ
चेल्लणाण पासणइँ विइण्णइँ । नीरायासणम्मि वइसेप्पिणु
नियअंतेउर कोक्कावेप्पिणु । लइ लइ एयउ मित्त सरज्जउ
भणिउ वारिसेणेण मणोज्जउ । किं भणु एक्क ताण निहीण
बंभणीण दोगच्चे खीण। तं निसुणेवि सुठ्ठ सो लज्जिउ
दिढ़मणु दुप्परिणामविवज्जिउ । १५ तहो दिवसहो लग्गिवि संजायउ
गुरुपालोयणतित्थें ण्हायउ ।। घत्ता–अवरेण वि एव चलचित्तहो दुक्कियहरणु ।
कायव्वु अवस्स पउरपउत्तिहिं ठिदिकरणु ।।११।।
भणिदं च
दसणचरणुवभढे जीवे दळूण धम्मबुद्धीए ।
हिदमिदमवगूहिय ते खिप्पं तत्तो णियत्तेज्जा ॥ [भ. पा. २६२] प्रायण्णह वच्छल्लकहाणउ
सिरि सिरिधम्मुज्जेणिहं राणउ । मंति चयारि तासु बलिपाइय
बंभण दुप्परिणामविराइय । एक्कहिँ वासरि तत्थाकंपणु
आउ महारिसि धम्मु व अप्पणु । सत्तहिँ रिसिसएहिँ परियरियउ
गंपि असोयवणे अवयरियउ । तत्थ निमित्तु किं पि अवधारिवि
वारिउ संघु तेण हक्कारिवि । कयदिढमोणुववासउ अच्छउ
अज्जु कहिँ पि को वि मा गच्छउ । होसइ थोरुवसग्गु मुणेप्पिणु
किउ सव्वहिँ गुरुवयणु नवेप्पिणु। १० एक्कु चेय पर पच्छा एंतउ
दीहरमग्गसमेणाकंतउ । मुणि सुयसायरु गुरुउवइट्ठउ
अमुणिवि पुरु चरियार पइट्ठउ । घत्ता-एत्तहे सउहयले सुहुँ अच्छंते नाइँ कलि ।
__ जणु जंतु निएवि पुच्छिउ सिरिधम्मेण बलि ॥१२॥
Jain Education International
For Private & Personal Use Only
www.jainelibrary.org
