________________
ચારિત્ર્ય-સુવાસ
આ મુદતને અંતે તે એક મહાપુરુષ પાસે ગયો. તેમની પાસે જઈ તેણે કહ્યું, “મારી ક્ષમાની સાધના સારી રીતે થઈ ગઈ છે.”
મહાપુરુષ કહે, “તે તને કેવી રીતે જણાયું ?'
સાધક કહે, “સાહેબ, આપ મને અનેક પ્રકારની ગાળો દઈને મારું અપમાન કરી જુઓ, મને ગુસ્સો નહીં ચડે.'
મહાપુરુષ કહે, “ભાઈ, તે તો કોઈ અન્ય પ્રસંગે ખબર પડશે કે તે ક્ષમાની કેવી સાધના કરી છે. અત્યારે તેટલા જ કારણ માટે અનેક અપશબ્દો બોલીને મારી જીભની પવિત્રતા હું શા માટે બગાડું ?'
આ મહાપુરુષ તે બીજા કોઈ નહીં પણ બનારસ હિંદુ વિશ્વવિદ્યાલયના પ્રણેતા, અર્વાચીન ભારતના એક મહાન ઘડવૈયા, મહામના પંડિત શ્રી મદનમોહન માલવીયજી.
૬૭.
મોટું વરદાન
એક સશક્ત યુવાન ભિખારી એક મોટા માણસ પાસે જઈને કહેવા લાગ્યો, “સાહેબ, મુજ ગરીબ પર દયા કરીને કાંઈક આપો.”
સાહેબ કહે, “ભાઈ, તારી પાસે શું શું છે ?'
ભિખારી પાસે બે તપેલી અને એક ગોદડી હતી તે બતાવીને તેણે કહ્યું, “મારી પાસે તો આટલું જ છે.”
સાહેબ કહે, “હું તને મદદ કરું, પણ મારા કહ્યા પ્રમાણે તારે કરવું પડશે !' ભિખારી કબૂલ થયો. બન્ને જણાએ બજારમાં જઈ પેલી તપેલીઓ વેચી તેના જે પૈસા આવ્યા તેમાંથી એક
Jain Education International
For Private & Personal Use Only
www.jainelibrary.org
