________________
૯૬ [] સિદ્ધસેન શતક
બિલકુલ ઠીક લાગે છે.
પુરાણા કાળના લોકોએ મનન-મંથન કર્યાં જ હશે, એ દૃષ્ટિએ તેમના સર્જનનો આદર કરવો રહ્યો; પરંતુ દરેક જૂની કહેવાતી વાતને માથે ચડાવી લેવાની જરૂર નથી. હવે કોઈને કશું મહત્વનું સૂઝી ન આવે એવું માની લેવાય નહિ. જ્ઞાનની સરિતા અમુક એક બિંદુએ વહેતી અટકી ગઈ છે એવું ધારી લેવામાં વિચારદારિદ્ર વહોરી લેવા જેવું થશે. કાલિદાસ કે ભવભૂતિ મહાન કવિ હતા. તેનો અર્થ એ નહિ કે હવે કોઈ કવિ તેમના કરતાં સારું સર્જન ન કરી શકે. નવામાં શું હોય એમ સમજી રવીન્દ્રનાથ ઠાકુરની કવિતાને હાથ જ ન લગાડવો ? એવું જ અન્ય વિષયો પરત્વે. ઘણી વખત તો પુરોગામી કરતાં અનુગામી માણસની વાત વધુ સારી હોય છે; કારણ કે એ પુરોગામીના ખભા ઉપર ઊભો હોય છે, એને સહેજે થોડું વધારે દેખાય છે !
Jain Education International
For Private & Personal Use Only
www.jainelibrary.org
