________________
કુબેરદત્ત
જ ૪૫
જ સવારે કુમાર કુબેરદત્તના નેતૃત્વ તળે સેના ચાલી નીકળી.
કુબેરદત્તે ભારે કાબેલિયતથી કામ લીધું. તેણે વિચાર્યું કે શઠ લોકોની સામી છાતીએ લડવાનો મતલબ એક જ થાય. ખુવારી. અને વગર વિચારી તેમજ જીત વિનાની ખુવારીનો શો અર્થ?
એટલે તેણે પોતાના સાથીદારોને ભેગા કરીને પહેલો નિર્ણય એ લેવડાવ્યો કે દિવસે પ્રયાણ બંધ; રાત્રે જ આગળ વધવું. જેથી શત્રુને પાછળથી કુમક આવવાનો અણસારો ન મળે.
આ પછી શત્રુની છાવણી નજીક આવી, ત્યારે તેને જાણ થઈ કે શત્રુએ આખા પ્રદેશ પર કાંટાળી વાડ બાંધી દીધી છે, જેથી કોઈ આવી જઈ ન શકે. વળી, શત્રુએ વાડ ઉપર ઠેરઠેર સૈનિકોની રક્ષણ-હરોળ પણ ઊભી કરી હોવાનું તેણે જાણ્યું.
એ સાથે જ, તેણે એક મહત્ત્વનો નિર્ણય લીધો. પોતાના સૈન્યને તેણે ત્રણ ભાગમાં વહેંચી દીધું અને રાતોરાત ત્રણ સાવ જુદી દિશાઓમાં, એકમેકથી ઘણે દૂર અને છતાં પૂરા સંકલન સાથે મોકલી દીધું; જેથી સીમારક્ષકોને કુમક આવી હોવાનો વહેમ ન પડે.
આ પછી કુમારે કુશળ ગુપ્તચરો દ્વારા શત્રુના સીમારક્ષકોને પોતાની માયાજાળમાં સપડાવ્યા, અને નશાકારી વ્યસનોના તેમના શોખનો સંપૂર્ણ લાભ ઉઠાવીને કેટલીક ચોકીઓમાં પોતાના સૈનિકોને મૂકી દેવામાં સફળતા હાંસલ કરી લીધી. - હવે તેનો માર્ગ મોકળો થયો. આ ચોકીઓના માધ્યમથી તેણે જાસૂસોને શત્ર-સૈનિકોના ગણવેશમાં શત્રની છાવણીમાં મોકલીમોકલીને તેની સમગ્ર છાવણી વ્યવસ્થાની ભાળ મેળવી લીધી.
અને પછી એક અંધારી રાત્રે, સ્વયં કુમાર કુબેરદને, પોતાના ચુનંદા સાથીદારો તથા સૈનિકો સાથે, કુશળ બાતમીદારોના માર્ગદર્શન હેઠળ, છાપો માર્યો ખસ રાજાની યુદ્ધ છાવણી પર. લેશ પણ હલચલ થવા દીધા વિના, અને બીજા કોઈને પણ કનડ્યા |
Jain Education International
For Private & Personal Use Only
www.jainelibrary.org
