________________
શ્રીમુનિસુવ્રતસ્વામી
܀
૩૧૧
પરમાત્માની ચિતાના અગ્નિમાં ભેળવવાનો નિષેધ હતો.
ભગવાન મુનિસુવ્રત સ્વામીને કેવળજ્ઞાન પ્રગટ્યું, ત્યારથી લઈને નિર્વાણ પામ્યા ત્યાં સુધીમાં, તેઓએ જે આત્માઓને ધર્મ પમાડ્યો, તેમની સંખ્યા આ પ્રમાણે જાણવી :
અઢાર ગણધર;
ત્રીસ સહસ્ર સાધુઓ;
પચાસ સહસ્ર સાધ્વીજી;
એક લાખ બોંતેર હજાર શ્રાવકો;
ત્રણ લાખ ચોપન હજાર શ્રાવિકાઓ.
Jain Education International
સાધુઓમાં પણ કેટલાક વિશિષ્ટ હતા તે આ રીતે : ચૌદ પૂર્વધર મુનિઓ પાંચસો; વૈક્રિયલબ્ધિવંત મુનિઓ બે હજાર;
વાદી મુનિઓ બારસો; અવધિજ્ઞાની અઢારસો; ચતુર્થજ્ઞાની પંદરસો;
અને કેવળજ્ઞાની અઢારસો.
આ બધો તો મનુષ્યજાતિનો જ પરિવાર. પરંતુ દેવો અને તિર્યંચયોનિના જે આત્માઓને બોધિબીજ પમાડ્યું હોય તેની સંખ્યા તો અલભ્ય જ ગણાય; અર્થાત્ તેવા અસંખ્ય આત્માઓ હોય.
આવા અસંખ્ય આત્માઓને સન્માર્ગે ચડાવવા દ્વારા, જીવમાત્રનું કલ્યાણ કરવાના પોતાના લક્ષ્યને સિદ્ધ કરનારા, અને આપણા જેવા અસંખ્ય આત્માઓ માટે એ સન્માર્ગ કાયમી ધોરણે કંડારી જનારા ભગવાન મુનિસુવ્રત પ્રભુને ત્રિવિધ ત્રિવિધ વંદન હો!
For Private & Personal Use Only
www.jainelibrary.org
