________________
શીવર્મ
૧૩૯
પાળેલાં ને અત્યંત શિક્ષિત એવાં પોપટ-મેના જેવાં પંખીઓ પણ કુમારને ફોસલાવી કાંઈકાંઈ બોલાવડાવે, ને પછી તેના ચાળા પાડી તેને ખીજવે. કુમાર પણ તેમની પાસેથી અનેક શબ્દો ને સાચા ઉચ્ચારો શીખતો.
પાંચ વર્ષ પૂરાં થતાં જ, રાજાજીએ એક તાલીમ પામેલો તરુણ એવો ઘેટો કુમાર માટે મંગાવ્યો. તેનાં મોં પર લોઢાની કડી નંખાવી તેમાં લગામની દોરી પરોવી દેવરાવી. પછી એક રખેવાળ સેવકને તે ઘેટો સુપ્રત કરીને કહ્યું કે આ ઘેટાને દોરતાં તથા તેના ૫૨ ચડીને તેને ફેરવતાં તું કુમારને શીખવી દે.
ઘેટાને પણ ભારે શણગા૨ સજાવવામાં આવેલા : મોં પર સોનાનું ચોકઠું, પીઠ પર રિયાન પલાણ, ગળે મીઠું રણકતી ઘૂઘરીઓ, ચારે પગે રણઝણ અવાજ કરતી ઝાંઝરીઓ! કુમાર તો આવા મસ્ત ઘેટાને જોઈને નાચી જ ઊઠ્યો!
સેવક એ ઘેટાની પીઠ ૫૨ કુમા૨ને ચડાવે, અને પછી ઘેટાની લગામ પહેલાં પોતાના હાથમાં, ને પછી ધીમેધીમે કુમારના હાથમાં રાખીને તે ઘેટાને પહેલાં મહાલયમાં ને મહાલયના બગીચામાં ફેરવવા માંડ્યો. ને પછી ધીમેધીમે નગરનાં ઉપવનોમાં પણ કુમારની ઘેટાસવારી ફરવા માંડી. કેટલાક દિવસ સુધી સેવકોએ કુમાર પડી ન જાય કે ઘેટો ભડકીને ધમાલ મચાવે તો કુમાર પડી ન જાય તેની ચીવટ રાખી. પણ પછી તો ઘેટો પોતાના સવારથી ટેવાઈ ગયો ને કુમારને પણ સવારી બરાબર ફાવી ગઈ. એટલે કુમાર કોઈનીય મદદ વિના જ પોતાના સમવયસ્ક ભેરુબંધો સાથે ઘેટાસવારીની રંગત માણતો રહ્યો.
Jain Education International
પણ અંતેઉરના સ્ત્રીવર્ગને કુમારનો કેડો મૂકવાનું મન ન થતું. તે તો જ્યાં ને ત્યાં કુમારને રમતો-દોડતો-કિલ્લોલતો એકીટશે જોયાં કરતો, ને થોડીથોડી વારે કોઈક સ્ત્રી ઘેડીને કુમારના માથે લૂણ ઊતારી જતી, તો કોઈક સ્ત્રી વળી મેવા, મીઠા ફ્લો, ને મધુર દ્રવ્યોથી ભરેલાં થાળ લઈને દોડતી, કુમારને માથે થાળ ફેરવીને પૂંછણું કરતી, ને પછી તે પદાર્થોને ચારે તરફ ફરતા સેવકવર્ગ
For Private & Personal Use Only
www.jainelibrary.org
