________________
વજકુંડલ
ક
હ્ય
–
સૈન્યના સૈનિકો પણ કુમારના સાંનિધ્યથી એટલા પ્રસન્ન છે કે તેઓ એક ટંક ખાધાખોરાકી મળી રહે તો બીજી કોઈ જ અપેક્ષા વિના કુમારની પડખે રહેવા કટિબદ્ધ છે. - વજકુંડલે સંતોષ વ્યક્ત કરતાં વાત આગળ ચલાવવાનો ઈશારો
કર્યો.
માધવે વાતનો દોર સાંધતા કહ્યું કુમારની પાસે સૈનિકોનો વિપુલ જથ્થો એકત્ર થતાં જ તેમણે ચડાઈની શરૂઆત કરી, અને એક પછી એક નગરો પર પોતાનું આધિપત્ય સ્થાપવા માંડ્યું.
આ બધી ગતિવિધિનો હેવાલ મળતાં જ સિંધુણ ચોંકી ઊઠ્યો. તેણે તત્કાળ, જે જે ઠાકોરોએ અમને મદદ કરેલી, તે તમામ પાસે રાજદૂતો મોકલીને વીરસેનને મદદ કરવા બદલ ખુલાસા માગ્યા, ને કહેવડાવ્યું કે તમે બધા તાકીદે મને રૂબરૂ મળી જાવ.
તો ચાલાક ઠાકોરોએ તેને જવાબ મોકલ્યો કે “અમે તો આપને ને રાજગાદીને જ વફાદાર છીએ. પણ અમારા રાજકુમારો પહેલેથી જ વીરસેનના ચાળે ચડેલા હતા તે તો આપ જાણો જ છો. હવે તેનું પુનરાગમન થતાં જ એ બધા થનગનવા લાગ્યા, અમે ઘણા વાય, ધમકાવ્યા પણ તેઓ અમારી આમન્યા તોડીને પોતાની મેળે પોતાની ટુકડીઓને લઈને વીરસેન સાથે જતા રહ્યા છે. આમાં અમે શું કરી શકીએ?
અને આપે તાકીદે અમને બોલાવ્યા છે, અમારે આપની આજ્ઞાને માન આપવું જ જોઈએ. પરંતુ હાલના તબક્કે અમે જો અમારું મંડલ છોડીએ, તો અમારા રાજપુત્રોને ચડાવી-પટાવીને વીરસેન અમારા મંડલ પર આક્રમણ કરી દે તો અમારું શું થાય? એટલે હાલ ઘર રેઢું મૂકવામાં લાભ નથી. વીરસેન આપના સબળ હાથે જરા ખોખરો થશે કે તરત જ અમે આપની સેવામાં ઉપસ્થિત થઈશું.'
વજકુંડલ વિસ્મિત વદને માધવનું બયાન સાંભળી રહ્યો હતો. ઠાકોરોનો જવાબ સાંભળતાં જ તેના મોંમાંથી અનાયાસ સરી પડ્યું: વાહ ઠાકોરો, વાહ!
માધવે ઊંડો શ્વાસ લીધો, ને વાત આગળ વધારી: ઠાકોરોનો |
Jain Education International
For Private & Personal Use Only
www.jainelibrary.org
