Page Text
________________
सुत्तगा० १] दसकालियसुत्तं ।
१३ ओमोदरियं-ओमोदरभावो। ओमं-ऊणं । सा दुविहा-दब्वे भावे य । दवे उवकरणे भत्त-पाणे य । उवकरणे एगवत्थधारित्तं एवमादि ।
___ भत्तपाणोमोदरिया अप्पप्पणो मुहप्पमाणेण कवलेणं पंचविगप्पा-अप्पाहारोमोदरिया १ अवड्डोमोदरिया २ दुभागोमोदरिया ३ पमाणोमोयरिया ४ किंचूणोमोदरिय ५ त्ति । एतासिं विभागो-चतुव्वीसं लंबणा पमाणजुत्तोमोदरिया, एयातो ओमोयरिदातो तिहं ओमोयरियाणं उत्थाणं, तिण्हं ति-अप्पाहार-अवड-दुभागोमोयरियाणं । निप्फत्ती भवति, पंचमा सणामसूयिता किंचूणोमोयरिया भवति ।
___एतासिं निदरिसणं-अप्पाहारोमोदरिया-जम्हा अप्पतरं कुच्छीए पुण्ण बहुतरं ऊणं, पैमाणोमोदरिदाए तिभागो १ । पमाणजुत्ता ओमोयरिया अवगतऽड्ढा अवड्डोमोदरिया २ । पमाणोमोदरियं तिधा काउं एगं भागं उज्झिउं दोभाए अब्भवहरति एसा दुभागोमोयरिया, पमाणजुत्ताहारस्स वा दुभागं अब्भवहरति दुभागोमोदरिया ३। पमाणजुत्तोमोदरिया नाम-बत्तीसं लंबणा संपुण्णो पुरिसस्स आहारो, तस्स चतुब्भागो छड्डिजति सेसा 10 चउव्वीस कवला पमाणजुत्तोमोयरिया ४ । किंचूणोमोयरिया-थोवूणाहारो ५।
___ एता चेव सोदाहरणं विसेसिज्जंति-अप्पाहारोमोयरिया पमाणोमोदरियाए तिभागे, ते य अट्ठ कवला, सा.. अट्ठविधा, तं जहा-अट्ठकवलअप्पाहारोमोयरिया १ एकूणऽडकवलअप्पाहारोमोदरिता जाया सत्त २ बिऊणऽट्ठकवलअप्पाहारोमोदरिता जाता छ ३ तिऊणऽट्टकवलअप्पाहारोमोयरिया जाया पंच ४ चतुरूणऽटकवलअप्पाहारोमोयरिया जाया चतुरो ५ पंचूणऽट्टकवलअप्पाहारोमोयरिया जाया तिण्णि ६ छऊणऽट्ठकवलअप्पाहारोमोदरिया 15 जाया दो ७ सत्तूणऽढकवलअप्पाहारोमोदरिया जातो एक्को ८ । अप्पाहारोमोयरिया एक्ककवलाहारोमोयरिया जहण्णा, अट्ठकवलाहारोमोयरिया उक्कोसा, सेसा अजहण्णमणुक्कोसा १। इदाणिं अवड्डाहारोमोयरिया बारसकवला, सा चउन्विहा, तं०-बारसकवलअवड्डाहारोमोयरिया १ एकूणबारसकवलअववाहारोमोयरिया जाया एक्कारस २ बिऊणबारसकवलअवढाहारोमोयरिया जाया दस ३ । तिऊणबारसकवलअवड्वाहारोमोयरिया जाया नव ४ । अवडाहारोमोयरियाए जहण्णा नव कवला, उक्कोसा बारस, सेसा अजहण्णमणुक्कोसा २।
20 दुभागोमोयरिया सोलसकवला, सा चतुम्विहा, तं०-सोलसकवलदुभागोमोयरिया १ एकूणसोलसकवलदुभागोमोयरिया जाया पण्णरस २ दुऊणसोलसकवलदुभागोमोयरिया जाया चोद्दस ३ तिऊणसोलसकवलदुभागोमोयरिया [जाया तेरस ४ । दुभागोमोयरियाए] जहण्णा तेरस, उक्कोसा सोलस, सेसा अजहण्णमणुक्कोसा ३। पमाणजुत्ताहारोमोयरिया चतुव्वीसकवला अट्ठविहा, तं०-चतुव्वीसकवलपमाणजुत्ताहारोमोयरिया १ एकूणचतुवीसकवलप्पमाणजुत्ताहारोमोयरिया जाया तेवीसं २ बिऊणचतुव्वीसकवलपमाणजुत्ताहारोमोयरिया जाता बावीसं ३ 25 तिऊण जाया एक्कूणवीसं ४ चतूण• जाया वीसं ५ पंचूण० जाया एक्कणवीस ६ छऊण० जाया अट्ठारस ७ सत्तऊण० जाया सत्तरस ८ । पमाणजुत्ताहारोमोयरिया जहण्णा सत्तरसकवला, उक्कोसा चतुव्वीसकवला, सेसा अजहण्णमणुक्कोसा ४। किंचूणाहारोमोयरिया एक्कत्तीस कवला, सा सत्तविहा, तं०-एक्कतीसकवलकिंचूणाहारोमोयरिया १ एकोणेक्कतीसकवलजुत्ताहारोमोयरिया जाता तीसं २ बिऊणेक्कतीस० जाया एक्कूणतीसं ३ तिऊणेक्कतीस० जाया अठ्ठावीसं ४ चतूण० जाया सत्तावीसं ५ पंचूण० जाया छव्वीसं ६ छऊण जाया 30 पंचवीस ७। किंचूणाहारोमोयरियाए जहण्णा पंचवीस, उक्कोसा एक्कतीसा, अवसेसा अजहण्णमणुक्कोसा ५। एसा पुरिसस्स ओमोयरिया । इत्थियाए वि एवं चेव, णवरं अट्ठावीस कवला संपुण्णाहारो, तदणुसारेण सेसं भाणितव्वं । दव्योमोयरिया गता । भावोमोयरिया चउण्हं कसायाणं उदयनिरोहो उदयप्पत्तविफलीकरणं च ।ओमोदरिता गता २॥
१ लंबणा-कवलाः ॥ २ अवमोदरिकातः॥ ३ प्रमाणावमोदरिकायाः ॥
Jain Education Intemational
For Private & Personal Use Only
www.jainelibrary.org
| SR No. | 001151 |
| Book Title | Agam 42 mool 03 Dashvaikalik Sutra |
| Original Sutra Author | Shayyambhavsuri |
| Author | Bhadrabahuswami, Agstisingh, Punyavijay |
| Publisher | Prakrit Granth Parishad |
| Publication Year | 2003 |
| Total Pages | 323 |
| Language | Prakrit, Sanskrit |
| Classification | Book_Devnagari, Agam, Canon, Ethics, & agam_dashvaikalik |
| File Size | 9 MB |