Agam 42 mool 03 Dashvaikalik Sutra

SR No.: 001151
Original Sutra Author: Shayyambhavsuri
Author: Bhadrabahuswami, Agstisingh, Punyavijay
Publisher: Prakrit Granth Parishad
Publication Year: 2003
Total Pages: 323
Language: Prakrit, Sanskrit
Classification: Book_Devnagari, Agam, Canon, Ethics, & agam_dashvaikalik
File Size: 9 MB

Page 190

१६३
णिज्जुत्तिगा० १८२-९२ ]
दसकालियसुत्तं । एमेव भावसुद्धी तम्भावा-ऽऽदेसतो पधाणे य।
तब्भावगमाएसो अणण्णमीसा हवति सुद्धी ॥ १८ ॥१८८ ॥ एमेव भावसुद्धी० गाधापुव्वद्धं । एवमिति प्रकारवयणं, जधा दव्वसुद्धी तिविधा तथा भावसुद्धी वि, तं०-तब्भावसुद्धी आदेसभावसुद्धी पधाणभावसुद्धी य । तत्थ तब्भावसुद्धीए आदेसभावसुद्धीए य इमा तन्भावगमाएसो अद्धगाहा-जस्स जम्मि तिव्वो अणुगतो भावो, जधा-तिसियस्स पाणियम्मि, सा तब्भावसुद्धी । । आदेस एव सुद्धी दुविहा-अण्णत्ते अणण्णत्ते य । अण्णत्ते जहा सुद्धो भावो एतस्स साहुणो, अणण्णत्ते जधा कोधादीहिं अणाउलचित्तो सुद्धो एस साधू ॥ १८ ॥ १८८ ॥ पहाणभावसुद्धी
दसण-नाण-चरित्ते तवोविसुद्धी पधाणमातेसो।
जम्हा तु विसुद्धमलो तेण विसुद्धो भवति सुद्धो ॥ १९॥ १८९ ॥ दंसणनाणचरित्ते. गाहा । दंसणादीणि सव्वपहाणाणि पहाणभावसुद्धी । दंसण-नाणप्पहाणभावसुद्धी1 खाइगं दंसणं नाणं च । चरित्तप्पहाणभावसुद्धी अहक्खातं चरित्तं । अब्भंतरतवे सम्ममाराधणा तवप्पहाणभावसुद्धी पधाणमातेसो, जतो दंसणादीहि परमसुद्धेहिं विमुद्धकम्ममलो भवति सुद्धो । एत्थ भावसुद्धीए अहिगारो, सेसा उच्चारिततुल्ल त्ति परूविता ॥ १९ ॥ १८९ ॥ भणिता सुद्धी। अधिकारो वक्कस्स । वक्कस्स वक्केण वा सुद्धी वक्कसुद्धी, तीसे निरुत्तगाहा
जं वकं वदमाणस्स संजमो सुज्झई, ण पुण हिंसा।
ण य अत्तकलुसभावो, तेण इहं वक्कसुद्धि त्ति ॥ २०॥ १९ ॥ जं वकं वदमाणस्स० [गाहा] । जं जधाभूतमजहाभूतं वा वदमाणस्स संजमो सुद्धो भवति, ण पुण हिंसा, ण य दुभणित-पच्छातावाति तेण वकसुद्धी । एवं सद्भयो हितं सत्यमिति ॥ २० ॥ १९ ॥ वतछक्कातिणियमितकायचेगुस्स वायिकदोसपरिहरणत्थं विसेसिजति
वयणविभत्तीकुसलस्स संजर्मम्मी उवडियमतिस्स ।
दुभासितेण होज्ज हु विराधणा तत्थ जतितवं ॥ २१ ॥ १९१ ॥ वयणविभत्तीकुसल० गाधा । सच्चा-ऽसच्चवयणविभागे कुसलस्स तस्सेवंगुणस्स संजमम्मि उवडियमतिस्स थितचेतसो वि तत्थ तध वि दुभासितेण भवे विराधणा इति वक्कसुद्धीए सुद्ध जतितव्वं ॥ २१ ॥ १.१ ॥ 'वयणं नियमेणमणेगविधं दुरहिगम' ति कोति भणेज-वरं मोणं, मोणमवि जधा अणुवाययो दोसकारी भवति तमुण्णीयते
वयणविभत्तिअकुसलो वयोगतं बहुविधं अजाणतो।
जति वि ण भासति किंची ण चेव वैतिगुत्तयं पत्तो॥ २२ ॥ १९२ ॥ वयणविभत्तिअकुसलो. गाधा । वयणविवेगे अणिउणो वयोगतं असच्चामोसाति वक्ष्यमाणं [ बहुविधं ] बहुप्पगारं अयाणंतो, जतिसद्दो अणभुवगमे, अविसद्दो तं विसेसेति, सो जति वि ण भासति तहअक्खिणिकोय-पाणिविहारातीहिं विकारहिं अत्थं पञ्चायेंतो ण भवति वतिगुत्तो ।। २२ ॥ १९२ ॥20
15
20
25
१ सिद्धोखं• हाटी.॥ २ मम्मि य उवद्विय पु. वृद्ध० । मम्मी समुजय हाटी.॥ ३°जा वि. वृद्ध०॥ ४ किंचीतह विण वयि वृद्ध० ॥ ५वयिगु वृद्ध । वइगु खं० । वयगु पु. वी. सा.॥
Jain Education Intemational