________________
महानिसीह-सुय-खंधस्स
कम्म-विवाग-वागरणं नाम बीयमज्झयणं
पढमो उद्देसो निम्मूलुद्धिय-सल्लेणं सव्व-भावेण गोयमा ! झाणे पविसित्तु सम्मेयं पच्चक्खं पासियव्वयं ॥१॥ जे सण्णी जे वि याऽसण्णी भव्वाभव्वा उ जे जगे। सुहत्थी-तिरियमुड्डाऽहं इहमिहाडंति दस-दिसिं ।।२।। असण्णी दुविहे जेए.वियलिंदी एगिदिए। वियले किमि-कुंथु-मच्छादी, पुढवादी-एगिदिए ॥३॥ पसु-पक्खी-मिगा-सन्नी नेरइया मणुयामरा। भव्वाभव्वा वि अत्थेसुं नीरए उभय-वज्जिए॥४॥ घम्मत्ता जंति छायाए वियलिंदी-सिसिरायवं। . 'होही सोक्खं किलम्हाणं' ता दुक्खं तत्थ वी भवे ॥५॥ सुकुमालंगत्ताओ' खण-दाहं, सिसिरं खणं। 'न इमं न इमं अहियासेउं सक्कीणं" एवमादियं ।।६।। मेहुण-संकप्प-रागाओ मोहा अण्णाण-दोसओ। पुढवादिसु गएगिंदी ण याणंती दुक्खं सुहं ॥७॥ परिवत्तंते अणंते वि काले बेइंदियत्तणं । केई जीवा ण पावेंति, केइ पुणाऽणादि पावियं ॥८॥ सी-उण्ह-वाय-विज्झडिया मिय-पस-पक्खी-सिरीसिवा । सिमिणते वि न लभंते ते णिमिसद्धब्भंतरं सुहं ।।९।। खर-फरुस-तिक्ख-करवत्ताइएहि फालिज्जता खण खण। निवसंति नारया नरए, तेसिं सोक्खं कुओ भवे ? ॥१०॥ सुरलोए अमरया सरिसा, सव्वेसिं तत्थिमं दुहं । उवट्ठिए वाहणत्ताए एगो, अण्णो तत्थमारुहे ॥११॥ 'सम-तुल्ले २ पाणि-पादेणं हा हा ! मे अत्त-वेरिणा। माया-डंभेण धि द्धि द्धि ! परितप्पे हं आयवंचिओ ॥१२॥ सुहेसी किसि-कम्मत्तं सेवा-वाणिज्ज-सिप्पयं । कुव्वंताऽहन्निसं मणुया धुप्पंते, एसिं कुओ सुहं ? ॥१३॥ पर-घरसिरीए दिट्ठाए एगे डझंति बालिसे। अण्णे अपहुप्पमाणीए अण्णे खीणाए लच्छिए" ॥१४||
१ वियलंदी सं। २ 'रावयं खं. सं सु. आ । ३ °मालंगगत्ताओ खं. सं ला. सुकुमालंगयतालुं खण. सु. आ । ४ सक्कण्णं रवं. सं सु. ला आ. सक्कीणं संकीर्णमित्यर्थः)। ५ गय एगि खं । ६ वत्तं च अ.सु. आ. ला । ७ केहि पुसु. आ विना । ८ सुमिसु. आ । ९ निवसंते सु. आ. । १० उवइडे सर्वासु प्रतिषु । ११ तमारुहे सु. आ। १२ समओल्ल सु सं. ला. आ. समतुल्ला शु । १३ आयावंचि सं. विना / प्पेदं आयावंचि शु. । १४ लच्छीए रवं. स।
Jain Education International
For Private & Personal Use Only
www.jainelibrary.org
