________________
महानिसीह-सुय-खंधंस्का
पुन्नेहिं वड्डमाणेहिं जस-कित्ती-लच्छी य वड्डइ, । पुन्नेहिं हायमाणेहिं जस-कित्ती-लच्छी य खीयइ ।।१५।। वास-साहस्सियं केई मण्णंते एगं दिणं [पुणो] । कालं गमेंति दुक्खेहिं मणुया पुण्णेहिं उज्झिया ॥१६।। संखेवत्थमिमं भणियं सव्वेसिं जग-जंतुणं। दुक्खं माणुस-जाईणं गोयम' ! जंतं णिबोधय ॥१७॥ जमणुसमयमणुभवंताणं सयहा उव्वेवियाण वि । निविण्णाणं पि दुक्खेहिं वेरगं न तहा वी भवे ॥१८॥
[२] दुविहं समासओ मुणसु दुक्खं सारीर-माणसं । घोर-पचंड-महारोदं तिविहं एक्कक्कं भवे ॥१९।। घोरं जाण मुहुत्तंतं, घोर-पयंडं ति समय-वीसामं । घोर-पयंड-महारोदं अणुसमय-विस्सामगं मुणे ॥२०॥ घोरं-मणुस्स-जाईणं घोर-पयंडं मुणे तिरिच्छासुं। घोर-पयंडमहारोदं नारय-जीवाण गोयमा ! ॥२१।। माणुस्सं तिविहं जाणे जहण्ण-मज्झुत्तमं दुहं । नत्थि जहण्णं तिरिच्छाणं, दुह-मुक्कोसं तु नारयं ॥२२॥ जं तं जहण्णगं दुक्खं माणुस्सं तं दुहा मुणे। सुहम-बादर-भेदेणं णिविभागे इतरे दुवे ॥२३॥ सम्मुच्छिमेसु मणुएसुं सुहुमं देवेसु बायरं । चवणयाले महिड्डिणं, आजम्ममाभिओगियाण उ* ॥२४॥ सारीरं नत्थि देवाणं, दुक्खेणं माणसेण उ । अइबलियं वज्जिमं हिययं सय-खंडं जं न वी फुडे ।।२५।। निविभागे य जे भणिए दोण्णि मज्झुत्तमे दुहे। मणुयाणं ते समक्खाए गब्भवतियाण उ ॥२६॥ असंखेयाऊ मणुयाणं दुक्खं जाणे वि मज्झिमं । संखेयाउ” मणुस्साणं तु दुक्खं चेवुक्कोसगं ॥२७|| असोक्खं वेया
वेयणा बाहा पीडा दुक्खमणेव्वुई। अणराममरई केसं एवमादी एगट्ठिया बहू ॥छ।।२८॥
पढमो उद्देसो समत्तो। बिइओ उद्देसो
[३] सारीरेयर-भेदमियं जं भणियं तं पवक्खई । सारीरं गोयमा ! दुक्खं सुपरिफुडं तमवधारय ॥२९॥
१ गोयमा ! सु. आ। २ सुणसु वं. ला. । ३ माणसं खं. सू. ला. आ. । ४°ण काले सुस् आ । ५ 'माभिओगाणं रवं. म्मं आभिओगाणं . ला.। ६ य रवं. सू ला. आ. य रवं. र सू ला. आ. । ७ संरवेयाउसाणं तु दुक्खं स्. आ. बिना। ८ वाही पीडा स्. ला. आ। ९ रागमरइ
सु. ला. आ.। १० भेदं ति जं. आ.। Jain Education International For Private & Personal Use Only
www.jainelibrary.org
