________________
१४०
महानिसीह-सुय-खंधं..,
जह तव-संजम-सज्झाय-ज्झाणमाईसु सुद्ध-भावेहिं। उज्जमियव्वं, गोयम ! विज्जुलया-चंचले जीए ॥७२॥
. [६०] किं बहुणा ? गोयमा ! एत्थं दाऊणं आलोयणं । पुढवीकायं विराहिज्जा कत्थ गंतुं स सुज्झिही ? ॥७३।। किं बहुणा ? गोयमा ! एत्थं दाऊणं आलोयणं । बाहिर-पाणं तहिं जम्मे जो पिए कत्थ सुज्झिही ? ॥७४।। किं बहुणा ? गोयमा ! एत्थं दाऊणं आलोयणं । उण्हवइ जालाइ जाओ फुसिओ वा कत्थ सुज्झिही ? ॥७५॥ किं बहुणा ? गोयमा ! एत्थं दाऊणं आलोयणं । वाउकायं उदीरेज्जा कत्थ गंतुं स सुज्झिही ? ॥७६॥ किं बहुणा ? गोयमा ! एत्थं दाऊणं आलोयणं । जो हरिय-तणं पुप्फ वा फरिसे कत्थ स सुज्झिही ? ॥७७॥ किं बहुणा ? गोयमा ! एत्थं दाऊणं आलोयणं । अक्कमई बीय-कायं जो कत्थ गंतुं स सुज्झिही ? ॥७८।। किं बहुणा-गोयमा ! एत्थं दाऊणं आलोयणं । वियलिंदी-बि-ति-चउ-पंचेंदिय-परियावे जो कत्थ स सुज्झिही ? ॥७९॥
? गोयमा! एत्थं दाऊणं आलोयणं । छक्काए जो ण रक्खेज्जा सुहुमे कत्थ स सुज्झिही ? ॥८॥ किं बहुणा ? गोयमा ! एत्थं दाऊणं आलोयणं । तस-थावरे जो न रक्खे कत्थ गंतुं स सुज्झिही ॥८१।।
[६१] आलोइय-निंदिय-गरहिओ वि कय-पायच्छित्त-णीसल्लो। उत्तम-ठाणम्मि ठिओ पुढवारंभं परिहरेज्जा ॥८२।। आलोइय-निंदिय गरहिओ वि कय-पायच्छित्त-णीसल्लो। उत्तम-ठाणम्मि ठिओ जोईए मा फुसावेज्जा ।।८३॥ आलोइय-निंदिय-गरहिओ वि कय-पायच्छित्त संविग्गो। उत्तम ठाणम्मि ठिओ मा वियावेज्ज अत्ताणं ॥८४|| आलोइय-निंदिय-गरहिओ वि कय पायच्छित्त संविग्गो। छिन्नं पि तणं हरियं असई मणगं मा फरिसे ।।८५॥ आलोइय-निंदिय-गरहिओ वि कय पायच्छित्त संविग्गो। उत्तम ठाणम्मि ठिओ जावज्जीवं पि एतेसिं ॥८६॥ बेइंदिय-तेइंदिय-चउरो-पंचेंदियाण जीवाणं । संघट्टण-परियावण-किलावणोद्दवण मा कासी ॥८७॥
१ निसल्लो खं.। Jain Education International
For Private & Personal Use Only
www.jainelibrary.org
