Page Text
________________
१३०
महानिसीह-सुय-खंधं अ."
तेसुं चेव रसेसुं रागं गच्छे, खमणं अट्ठमं वा अकएणं काउसग्गेणं विगइं परिभुंजे, पंचेवायंबिलाणि। दोण्हं विगईणं उडुं परिभुंजे, पंच निव्विगइयाणि । अकारणिगो विगइ-परिभोगं कुज्जा, अट्ठमं।
[२७] असणं, वा पाणं, वा भेसज्जं, वा गिलाणस्स अइण्णाणुच्चरियं परिभुंजे, पारंचियं । गिलाणेणं अपडिजागरिएणं भुंजे, उवट्ठावणं । सव्वमवि निय-कत्तव्वं परिचेच्चाणं गिलाण-कत्तव्यं ण करेज्जा, अवंदे। गिलाण-कत्तव्वमालंबिऊणं नियय-कत्तव्वं पमाएज्जा, अवंदे। गिलाण-कप्पं ण उत्तारेज्जा, अट्ठमं। गिलाणेण सद्दिरे एग-सद्देणागंतुं जमाइसे तं ण कुज्जा, पारंचिए।
णवरं जइ णं से गिलाणे सत्थ-चित्ते, अहा णं संन्निवायादीहिं उब्भामिय-माणसे हवेज्जा, तओ जमेव गिलाणेणमाइ8 तं ण कायव्वं तस्स जहाजोगं कायव्वं ण करेज्जा, संघबज्झो (छ)
[२८] आहाकम्मं, वा उद्देसियं, वा पूइकम्मं, वा मीस-जायं, वा ठवणं, वा पाहुडियं वा पाओयरं, वा कीयं, वा पामिच्चं, वा पारियट्टियं, वा अभिहडं, वा उब्भिण्णं, वा मालोहडं, वा अच्छेज्जं, वा अणिसटुं, वा अज्झोयरं, वा धाई-दुई-णिमित्तेणं आजीववणिमग-तिगिच्छा-कोह-माण-माया-लोभेणं पुट्विं संथव-पच्छासंथव विज्जा-मंत-चुण्ण-जोगे' संकिय-मक्खिय-निक्खित्त-पिहिय-साहरिय-दायगुम्मीस-अपरिणय-लित्तछड्डिय एयाए बायालाए दोसेहि-अण्णयर-दोस दूसियं आहारं, वा पाणं, वा भेसज्जं, वा परिभुजेज्जा, सव्वत्थ पत्तेगं जहा-जोगं कमेणं खमणायंबिलादी उवइसेज्जा। छण्हं दोसेहिं कारण जायाणमसई भुंजे अट्ठमं । सधूम सइंगालं-भुंजे उवट्ठावणं । संजोइय-संजोइय जीहा लेहडत्ताएभुंजे, आयंबिल-खवणं। संते बल-वीरिय-पुरिसयार-परक्कमे-अट्ठमि-चाउद्दसीनाण-पंचमी पज्जोसवणा चाउम्मासिए चउत्थट्ठम-छट्टे ण करेज्जा, खमणं ।
[२९] कप्पं णावियइ, चउत्थं। कप्पं परिवेज्जा, दुवालसं। पत्तग-मत्तग-कमढगं वा अण्णयरं वा भंडोवगरण-जायं अतिप्पिऊणं ससिणिद्धं वा अससिणिद्धं अणुल्लेहियं ठवेज्जा चउत्थं । पत्ता-बंधस्स णं गठिओ ण छोडेज्जा ण सोहेज्जा चउत्थं पच्छित्तं ।
समुद्देस-मंडलीओ संघट्टेज्जा, आयामं, संघ वा समुद्देस-मंडलिंच्छिविऊणं दंडा पुंछणगंण देज्जा, निव्विइयं समुद्देस-मंडली छिविऊणं दंडा-पुंछणगं च दाऊणं इरियं ण पडिक्कमेज्जा, निव्वीइयं । एवं इरियं पडिक्कमित्तु दिवसावसेसियं ण संवरेज्जा, आयामं
गुरु-पुरओ ण संवरेज्जा, पुरिमडं । अविहीए संवरेज्जा, आयंबिलं । संवरेत्ता णं चेइय साहूणं वंदणं न करेज्जा, पुरिमर्ल्ड । कुसीलस्स वंदणगं देज्जा, अवंदे । (छ)
एयावसरम्ही उ बहिर-भूमीए पाणिय-कज्जेणं गंतूणं जावागमे ताव णं समोगाढेजा किंचूणाहियं तइय-पोरिसी।
१णं सद्धिं रवं./ णं सदिए एग सद्देण पाहुडियं वा गंतुं ला. । २ चुण्ण भोगे ला. योगे (टिप्पण) । ३ जावागमे जे./ चागामेत्ताणं स. ला.। Jain Education International
For Private & Personal Use Only
www.jainelibrary.org
| SR No. | 001149 |
| Book Title | Agam 39 Chhed 06 Mahanishith Sutra |
| Original Sutra Author | N/A |
| Author | Punyavijay, Rupendrakumar Pagariya, Dalsukh Malvania, H C Bhayani |
| Publisher | Prakrit Granth Parishad |
| Publication Year | 1994 |
| Total Pages | 284 |
| Language | Prakrit |
| Classification | Book_Devnagari, Agam, Canon, Ethics, & agam_mahanishith |
| File Size | 19 MB |