________________
११८
महानिसीह-सुय-खधं अ.६
तित्थंकरे चउण्णाणी ससुरासुर-जगपूइए। निच्छियं सिज्झियव्वे वि तम्मि जम्मे, न अण्ण-जम्मे ॥३७१।। तहा वि अणिगूहित्ता बलं विरियं पुरिसायार-परक्कम । उग्गं कटुं तवं घोरं दुक्करं अणुचरंति ते ॥३७२।। ता अण्णेसु वि सत्तेसु चउगइ-संसार-घोर-दुक्ख-भीएसु, जं जहेव तित्थयरा भणंति, तं तहेव समणुट्ठियव्वं गोयम ! सव्वं जहट्ठियं ।।३७३।। जं पुण गोयम ! ते भणियं-परिवाडिए कीरइ। अत्थक्के-हुडि-दुद्धेणं कज्जं तं कत्थ लब्भए ? ॥३७४।। तत्थ वि गोयम ! दिद्रुतं महासमुद्दम्मि कच्छभो।
अन्नेसि मगरमादीणं संघट्टा-भीउद्दुओ ॥३७५।। बुड-निबुडकरेमाणो सबली झालोज्झलि पेल्ला-पेल्लीए कत्थई। उल्लरिज्जंतो' तट्ठो नासंतो धाविंतो पलायंतो य दिसोदिसिं ॥३७६।। उच्छल्लं पच्छल्लं हिलणं बहविहं तहिं।। असहंतो ठाम अलहतो, खण-निमिसं पि कत्थइ॥३७७।। कह कह वि दुक्ख-संतत्तो सुबहु-कालेहिं तं जलं । अवगाहिंतो गओ उवरि पउमिणी-संडं सघणं ॥३७८।। छिडु महया किलेसेणं लद्धं ता जत्थ पेच्छई। गह-नक्खत्त-परियरियं कोमुइ-चंदं खहेऽमले ॥३७९।। दिप्पंत-कुवलय-कल्हारं कुमुय-सयवत्त-वणप्फई। करुलिंते हंस-कारंडे चक्कवाए सणेड या ॥३८०॥ जमदिढं सत्तसु वि साहासु अब्भुयं चंदमंडलं। तं दटुं विम्हिओ खणं चिंतइ एयं जहा। 'होही एयं तं सग्गं, ता हं बंधवाण पयंसिमो' ॥३८१।। बहु कालेणं-गवेसेउं ते घेत्तूण समागओ। घणघोरंधयार-रयणीए भद्दव-किण्ह-चउद्दसिहिं तु ॥३८२।। न पेच्छे जाव तं रिद्धिं बहुकालं निहालिउं । पुण कच्छभो जाओ तहा वि तं रिद्धिं न पेच्छए ॥३८३।। एवं चउगई-भव-गहणे दुलभे माणुसत्तणे । अहिंसा-लक्खणं धम्मं, लहिऊणं जो पमायइ ॥३८४।। सो पुण बहु-भव-लक्खेसु दुक्खेहिं माणुसत्तणं । लढुं पि न लभई धम्मं तं रिद्धिं कच्छभो जहा ॥३८५।।
दियहाइं दो व तिण्णि व अद्धाणं होइ जं तुलग्गेण । सव्वायरेण तस्स वि संवलयं लेइ पवसंतो ॥३८६।। जो पुण दिह-पवासो चुलसीई जोणि-लक्ख-नियमेणं । तस्स तव-सील-मइयं संवलयं किं न चिंतेह ? ॥३८७।।
१लीसल्लोभली खं./ सलोज्झली सं.। २ ओल्लरी हंतो सं. । ३ पविसं खं. सं. ला. । Jain Education International
For Private & Personal Use Only
www.jainelibrary.org
