________________
११०
महानिसीह-सुय-खंधं .६
अहवा मुणियं तु परमत्थ-जाणगे अणुमती कया। संघटुंतीए चिडुल्लीए, सीलं तेण विराहियं ॥२४०।। मूयंध-काण-बहिरं पि कुटुं सिडि विडि-विडिवडं। जाव सीलं न खंडेइ, ताव देवेहिं थुव्वइ ॥२४१।। कंटगं चेव पाए मे खुत्तं, आगासागासियं । एएणं जं अहं चुक्का, तं मे लाभं महंतियं ॥२४२।। सत्त वि साहाउ पायाले, इत्थी जा मणसा वि य । सीलं खंडेइ सा णेइ, कहियं जणणीए मे इमं ॥२४३।। ताजं न निवडई वज्जं, पंसु-विट्ठी ममोवरि । सय-सक्करं न फुट्टई वा हिययं तं महच्छेरगं ॥२४४|| णवरं जई एयमालोयं, ता लोगो एत्थ चिंतिही। जहा-'अमुगस्स धूयाए, इयं मणसा अज्झवसियं ॥२४५।। तं नं तह वि पओगेणं पर-ववएसेणालोइमो। जहा-जइ कोइ इयं अज्झवसइ, पच्छित्तं तस्स होइ किं ? ॥२४६।। तं चिय सोऊण काहामि, तवेणं तत्थ कारणं । जं पुण भयवयाऽऽइट्ट, घोरं अच्चंत-निट्ठरं ।।२४७।। तं तवं सील-चारित्तं तारिसं जाव नो कयं । तिविहं तिविहेण नीसल्लं, ताव पावं न खीयए' ॥२४८॥ अह सा पर-ववएसेणं आलोइत्ता तवं चरे। पायच्छित्तं निमित्तेणं, पण्णासं संवच्छरे ॥२४९।। छट्ठ-ट्ठम-दसम-दुवालसेहिं लयाहिं णेइ दस वरिसे। अकयमकारियमसंकप्पिएहिं, परिभूयभिक्ख-लद्धेहिं । चणगेहिं दुन्नि वे भुज्जिएहिं, सोलसय मासखमणेहिं ।।२५०।। वीसं आयामायंबिलेहिं आवस्सगं अछड्डेती। चरई य अदीणमणसा, अह सा पच्छित्त-निमित्तं ॥२५१।। ताहे गोयम ! सा चिंते- 'जं पच्छित्तं तयं कयं । ता किं तमेव ण कयं मे जं मणसा अज्झवसियं ? ॥२५२॥ तया इयरहे वि उ पच्छित्तं इयरहे व उ मे कयं ।। ता किं तं न समायरियं' ? चितेंती निहणं गया ॥२५३।। उग्गं कहूँ तवं घोरं दुक्करं पि चरित्तु सा। सच्छंद-पायच्छित्तेणं, सकलुस-परिणाम-दोसओ ॥२५४|| कुच्छिय-कम्मा समुप्पण्णा, वेसाए पडिचेडिया। खंडोट्ठा-नाम चडुगारी, मज्ज-खडहडग-वाहिया ॥२५५।। विणीया सव्व-वेसाणं थेरीए य चउगुणं । लावण्ण कंति कालिया वि बोडा जाया तहा वि सा ॥२५६||
१ आगास गामियं खं.। २ न वडइ आ.। ३ तं सव्वं सी। ४ धणगे जे. । ५ दुन्नि वेसुज्जिएहिं सोलय ला। Jain Education International
For Private & Personal Use Only
www.jainelibrary.org
