________________
महानिसीह-सुय-खंधं ॐ६
वाणमंतर-देवत्ता चइऊणं गोयमासडो। रासहत्ताए तेरिच्छेसुं नरिंद-घरमागओ॥६२॥ निच्चं तत्थ वडवाणं संघट्टण-दोसा तहिं। वसणे वाही समुप्पन्ना, किमी एत्थ समुच्छिए ॥६३।। तओ किमिएहिं खजंतो वसण-देसम्मि गोयमा ! मुक्काहारो खिई लेढे, वियणत्तो ताव साहुणो ॥६४॥ अदूरेण पवोलिंते' दणं जाइं सरेत्तु य। निंदिउंगरहिउं आया, अणसणं पडिवज्जिया ॥६५॥ काग-साणेहि खजंतो, सुद्ध-भावेण गोयमा !। 'अरहंताणं' ति सरमाणो सम्म उन्टिायं तणूं।६६।। कालं काऊण देविंद-महाघोस-समाणिओ। जाओ, तं दिव्वं इड्डिं समणुभोत्तुं तओ चुओ ॥६७।। उववण्णो वेसत्ताए जा सा नियडी ण पयडिया। तओ वि मरिऊणं बहू अंत-पंत-कुलेऽडिओ ॥६८ ॥ कालक्कमेण महराए, सिवइंदस्स दियाइणो। सुओ होऊण पडिबुद्धो, सामण्णं काउं निव्वुडो ॥६९।। एयं तं गोयमा ! सिढे नियडी-पुंजंतु आसडं। जे य सव्वण्णु-मुह-भणिए वयणे मणसा विडंबिए ।।७०॥ कोऊहलेण विसयाणं, ण उणं विसएहिं पीडिओ। सच्छंद-पायच्छित्तेण, भमियं भव-परंपरं ॥७१।। एयं णाऊणमेक्कं पि, सिद्धतिगमालावगं। जाणमाणे हु उम्मगं कुज्जा जे से वियाणिही ॥७२॥ जो पुण सव्व-सुयण्णाणं अटुं वा थेवयं पि वा। नच्चा वएज्ज मग्गेणं, तस्स अही न वज्झती। एवं नाऊण मणसा वि उम्मग्गं नो पवत्तए। त्ति बेमि ॥७३।।
भयवं! अकिच्चं काऊणं पच्छित्तं जो करेज्ज वा। तस्स लट्ठयरं पुरओ जं अकिच्चं न कुव्वए ? ॥७४।। ता ऽजुत्तं गोयममिणमो वयणं मणसा वि धारिउं । जहा 'काउमकत्तव्वं पच्छित्तेणं तु सुज्झिहं ॥७५।। जो एयं वयणं सोच्चा, सद्दहे अणुचरेइ वा। भट्ठसीलाण सव्वेसिं, सत्थवाहो स गोयमा ? ॥७६।। एसो काउं पि पच्छित्तं पाण-संदेह-कारयं । आणा-अवराह-पदीव-सिहं पविसे सलभो जहा ॥७७||
१ खिडं ला. टिप्पण. । २ पवोलंतो ख. ला. पचालंतो जे । ३ यं स तणूं खं. । ४ कुले हिंडि ख. । ५ वा वयणं पि खं. । ६ अहो ण ब खं.। ७ कारणं ला.खं.।
Jain Education International
For Private & Personal Use Only
www.jainelibrary.org
