Page Text
________________
महानिसीह - सुखंधं
देव - भोइए, इ वा देवच्चगे, इ वा, जाव णं उम्मग्गपए' इ वा, दूरुज्झिय सीले, इ वा कुसीले, इ वा सच्छंदयारिए, इवा आलवेज्ज || छ ।
८९
[३०]
एवं गोयमा ! सिं अणायार-पवत्ताणं' बहूणं आयरिय-मयहरादीणं एगे मरगयच्छवी कुवलयप्पहाभिहाणे णाम अणगारे महा-तवस्सी अहेसि । तस्स णं महा- महंते जीवाइ- पयत्थेसु तत्त- परिण्णाणे सुमहंतं चैव संसार-सागरे-तासुं तासुं जोणीसुं संसरण - भयं सव्वहा सव्व - पयारेहिं णं अच्वंतं आसायणा - भीरुयत्तणं तक्कालं तारसेवी असमंजसे अणायारे बहु- साहम्मिय-पवत्तिए । तहा वी सो तित्थयराणमाणं णाइक्कमेइ । अ सो अणिगूहिय-बल-वीरिय- पुरिसक्कार - परक्कमे सुसीस- गण - परियरिओ सव्वण्णु-पणीयागम- सुत्तत्थोभयाणुसारेणं ववगय-राग-दोस- मोह-मिच्छत्तममकाराहंकारो सव्वत्थापडिबद्धो किं बहुणा सव्वगुणगणाहिट्ठिय-सरीरो अणेग- गामागर - नगर - पुर- खेड - कव्वड - मडंब - दोणमुहाइ सन्निवेस - विसेसेसुं अणेगेसुं भव्वसत्ताणं संसारचारग - विमोक्खणिं सद्धम्म- कहं परिकहेहिंतो विहरिंसु । एवं च वच्चंति दिया ।
अण्णया णं सो महाणुभागो विहरमाणो आगओ गोयमा ! तेसिं णीयविहारीणमावासगे । तेसिं च महा-तवस्सी काऊ सम्माणिओ किइकम्मासण-पयाणाइणा सुविणएणं । एवं च सुह- णिसण्णो चिट्ठित्ताणं धम्म-कहाणा विणोएणं पुणो गंतुं पयत्तो ।
[३१]
ता भणिओ सो महाणुभागो गोयमा ! तेहिं दुरंत - पंत - लक्खणेहिं लिंगोवजीवीहि णं भट्ठायारुम्मग्गपवत्तगाभिग्गहीय-मिच्छादिट्ठीहिं । जहा णं 'भयवं' ! जइ तुममिहइं एक्कं वासा - रत्तियं चाउम्मासियं पउंजियंताणमेत्थं एत्तिगे एत्तिगे चेइयालगे भवंति णूणं तुज्झाणत्तीए, ता किरउ - मणुग्गहमम्हाणं इहेव चाउम्मासियं । ताहे भणियं ते महाणुभागेणं गोयमा ! जहा 'भो भो पियंवए ! जइ वि जिणालए तहा वि सावज्जमिणं, णाहं वाया - मित्तेणं पि एवं आयरिज्जा' । एयं च समय-सार- परं तत्तं जहट्ठियं अविवरियं णीसंकं भणमाणेणं तेसिं मिच्छादिट्ठि-लिंगीणं साहुवेस-धारीणं मज्झे गोयमा ! आसंकलियं तित्थयर-णाम - कम्म गोयं तेणं कुवलयप्पभेणं एगभवावसेसीकओ भवोयही । तत्थ य दिट्ठी अणुल्लवणिज्ज - नाम - संघ - मेलावगो अहेसि । तेहिं च बहूहिं पावमईहिं लिंगिणलिंगणियाहिं परोप्परमेग-मयं काऊणं गोयमा ! तालं दाऊणं विप्पलोइयं चेव तं तस्स महाणुभाग - सुमह - तवस्सिणो कुवलयप्पहाभिहाणं' कयं च से सावज्जायरियाभिहाणं सद्दकरणं गयं च पसिद्धीए । एवं च सद्दिज्जमाणो वि सो तेणापसत्थ-सद्द-करेणेणं तहा वि गोयमा ! ईसिं पिण 'कुप्पे । अहण्णया तेसिं दुरायाराणं सद्धम्म-परंमुहाणं अगार-धम्माणगार-धम्मोभयभट्ठाणं लिंग - मेत्त - णाम- पव्वइयाणं कालक्कमेणं संजाओ परोप्परं आगम - वियारो । जाणं गाणमसई संजया चेव मढ - देउले पडिजागरेंति खण्ड - पडिए य समारावयंति । अण्णं च जाव रणज्जं तं पइ समारंभे कज्जमाणे जइस्सावि णं नत्थि दोस संभवं । एवं च केई भांति संजम - मोक्ख- णेयारं, अति जाणं सायवडिंसए पूया - सक्कार - बलि विहाणाईसु णं तित्थुच्छप्पणा चेव मोक्ख-गमणं । एवं तेसिं अविश्य-परमत्थाणं पाव - कम्माणं जं जेण सिहं स तं चेवुद्दामुस्सिंखलेणं मुहेणं पलवति । ताहे समुट्ठियं वाद-संघट्टं । नत्थि य कोई तत्थ आगम-कुसलो तेसिं मज्झे जो तत्थ जुत्ताजुत्तं वियारेइ, जो पमाणमुवइस्सइ' । तहा एगे भांति जहा - अमुगो अमुगत्थामे चिट्ठे | अण्णे भणति 'अमुगो', अन्ने भांति 'किमत्थ बहुणा पलविएणं सव्वेसिं अम्हाणं ? सावज्जायरीओ एत्थ पमाणं' ति तेहिं भणियं जहा ' एवं होउ ' त्ति " हक्कारावेह लहुँ' ।
I
1
Jain Education International
१ ग्गपट्ठिए, इ वा सु. ला । २ पवत्तगाणं ला. । ३ च जे. । ४ अणुल्लविज्ज सं. ला. / अप्पमुल्लव. । ५ हाहिट्ठाणं सं. । ६ पुण कप्पो जे. । ७ र बलिहोम विहा ला. खं । ८ तं चैव बुद्धा मुँ, ला. / चेव पुच्छामु ला. टि. / अमुगच्छा निविट्ठे सं । ९ पमाण पुव्यमुव खं. ।
For Private Personal Use Only
www.jainelibrary.org
| SR No. | 001149 |
| Book Title | Agam 39 Chhed 06 Mahanishith Sutra |
| Original Sutra Author | N/A |
| Author | Punyavijay, Rupendrakumar Pagariya, Dalsukh Malvania, H C Bhayani |
| Publisher | Prakrit Granth Parishad |
| Publication Year | 1994 |
| Total Pages | 284 |
| Language | Prakrit |
| Classification | Book_Devnagari, Agam, Canon, Ethics, & agam_mahanishith |
| File Size | 19 MB |