Page Text
________________
७२
महानिसीह-सुय-खं, अ.५
‘से णं भयवं ! केवइयं कालं जाव गच्छस्स णं मेरा पण्णविया केवतियं कालं जाव णं गच्छस्स मेरा णाइक्कमेयव्वा' ? गोयमा ! जाव णं महायसे महासत्ते महाणुभागे दुप्पसहेणं अणगारे ताव णं गच्छमेरा पण्णविया, जाव णं महायसे महासत्ते महाणुभागे दुप्पसहे अणगारे ताव णं गच्छमेरा नाइक्कमेयव्वा ।
‘से भयवं! कयरेहिणं लिंगेहिं वइक्कमियमेरं आसायणा-बहुलं उम्मग्ग-पट्ठियं गच्छं वियाणेज्जा ? गोयमा! जं असंठवियं सच्छंदयारि अमुणियसमयसब्भावं लिंगोवजीविं पीढग फलहग-पडिबद्धं, अफासु-बाहिरपाणग-परिभोइं अमुणिय-सत्तमंडली-धम्मं सव्वावस्सग-कालाइक्कमयारि, आवस्सग-हाणिकरं ऊणाइरित्तावस्सगपवित्तं, गणणा-पमाण-ऊणाइरित्त-रयहरण-पत्त-दंडग-मुहणंतगाइ-उवगरणधारि गुरुवगरण-परिभोई, उत्तरगुणविराहगं गिहत्थछंदाणुवित्ताइं सम्माणपवित्तं पुढवि-दगागणि-वाऊ-वणप्फती-बीय-काय-तस-पाणबि-ति-चउ-पंचेंदियाणं कारणे वा अकारणे वा असती पमाय-दोसओ संघट्टणादीसुं अदिट्ठ-दोसं आरंभपरिग्गह-पवित्तं अदिण्णालोयणं विगहा-सीलं, अकालयारि, अविहि-संगहिओवगहिय-अपरिक्खिय पव्वा वि उवट्ठाविय-असिक्खाविय-दस विह-विनय-सामायारि लिंगिणं इवि-रस-साया-गारव-जायाइमय-चउक्कसायममकार-अहंकार-कलि-कलह-झंझा-डमर-रोद्दट्टज्झाणोवगयं अठाविय-बहु-मयहरं, 'दे देहि ति णिच्छोडियकर बहु-दिवस-कय-लोयं विज्जा-मंत-तंत-जोग-जाणाहिज्जणेक्क-बद्धकक्खं अबूढ-मूल जोग-णिओगं दुक्कालाई-आलंबणमासज्ज अकप्प-कीयगाइपरिभुंजणसीलं जं किं चि रोगायंकमालंबिय तिगिच्छाहिणंदणसीलं, जं किं चि रोगायंकमासीय दिया-तुयट्टण-सीलं कुसील-संभासणाणुवित्तिकरणसीलं अगीयत्थ-सुहविणिग्गय-अणेग-दोस-पायड्डि-वयणाणुट्ठाण-सीलं असि धणु-खग्ग-गंडिव-कोंत-चक्काइ पहरण-परिग्गहियाहिंडणसीलं साहुवेसुज्झिय अन्नवेस परिवत्तकयाहिडंणसीलं एवं जावणं अद्भुट्ठाओ पयकोडिओ ताव णं गोयमा! असंठवियं चेव गच्छं वारारेज्जा। तहा अण्णे इमे बहुप्पगारे लिंगे गच्छस्स णं गोयमा ! समासओ पण्णविज्जंति।
एते य णं पयरिसेणं गुरुगुणे विन्नेए, तं जहा-गुरु ताव सव्व-जग-जीव-पाण-भूय-सत्ताणं माया भवइ किं पुण जं गच्छस्स से णं सीस-गणाणं एगतेणं हियं मियं पत्थं इह-परलोगसुहावहं आगमाणुसारेणं हिओवएसं पयाइ । से णं देविंद-नरिद-रिद्धि-लंभाणं पि पवरुत्तमे गुरुवएसप्पयाणं लंभे । तं च (सत्ता)णुकंपाए ‘परम दुक्खिए जम्म-जरा-मरणादीहि णं इमे भव्व-सत्ता कहं णु णाम सिव-सुहं पावंतु"त्ति काऊणं गुरुवएसं पयाइ, णो णं वसणाहिभूए अहो णं गहग्घत्थे उम्मत्ते । अत्थि एइ वा जहा णं मम इमेणं हिओवएस -पयाणेणं अमुगट्ठ-लाभं भवेज्जा, णो णं गोयमा ! गुरुसीसगाणं निस्साए संसारमुत्तरेज्जा । णो णं पर-कएहिं सुहासुहेहिं कस्सइ संबंधं अत्थि।
ता गोयमेत्थ एवं ठियम्मि जइ दढ-चरित्त-गीयत्थे। गुरु-गुण-कलिए य गुरू भणेज्ज असई इमं वयणं ।।९।। मिणगोणसंगुलीए गणेहिं वा दंत-चक्कलाई से। तं तहमेव करेज्जा कज्जंतु तमेव जाणंति ॥१०॥
आगम-विऊ कयाई सेयं कायं भणेज्ज आयरिया। तं तह सद्दहियव्वं भवियव्वं कारणेण तहिं ॥११॥
१ जे खं. । २ पीढ फलगपडि खं. । ३ निव्वोड्डियकर जे. । ४ जागं जणा' सा. । ५ सिवेणु' सं., असि धेणु सा । ६ अन्नवेसपरिचत सा. सं./ अनवेस पक्खित्तकया जे. । ७ पयरिसेणं वि णं विण्णे जे. एयारिसेणं गुरुगणे वि. ला. खं. । ८ पावंति खं. ला. सं. । ९ ए जहा णं सा. अहा णं सु.। १० हिं सव्व सुहा सा. ।
Jain Education International
For Private & Personal Use Only
www.jainelibrary.org
| SR No. | 001149 |
| Book Title | Agam 39 Chhed 06 Mahanishith Sutra |
| Original Sutra Author | N/A |
| Author | Punyavijay, Rupendrakumar Pagariya, Dalsukh Malvania, H C Bhayani |
| Publisher | Prakrit Granth Parishad |
| Publication Year | 1994 |
| Total Pages | 284 |
| Language | Prakrit |
| Classification | Book_Devnagari, Agam, Canon, Ethics, & agam_mahanishith |
| File Size | 19 MB |