Page Text
________________
महानिसीह-सुय-खंधं
नवणीयसार नाम पंचममज्झयणं
[१] एवं कुसील-संसगिं सव्वोवाएहिं पयहिउँ । उम्मग्ग-पट्ठियं गच्छं जे वासे लिंग-जीविणं ॥१॥ से णं निव्विग्घमकिलिटुं सामण्णं संजमं तवं । ण लभेज्जा, तेसि याभावे मोक्खे दूरयरं ठिए ।२।। अत्थेगे गोयमा ! पाणी जे ते उम्मग्ग-पट्ठियं । गच्छं संवासइत्ताणं भमती भव-परंपरं ।।३।। जामद्ध-जाम-दिण-पक्खं मासं संवच्छरं पि वा। सम्मग्ग-पट्ठिए गच्छे संवसमाणस्स गोयमा ॥४॥ लीलायऽलसमाणस्स निरुच्छाहस्स धीमणं । पेक्खो वक्खीए अन्नेसुं महाणुभागाण साहुणं ॥५॥ उज्जमं सव्व-थामेसु घोर-वीर-तवाइयं । ईसक्खा-संक-भय-लज्जा तस्स वीरियं समुच्छले ॥६॥ वीरिएणं तु जीवस्स समुच्छलिएण गोयमा। जम्मंतरकए पावे पाणी हियएण निट्ठवे ॥७॥ तम्हा निउणं मइ भालेउं गच्छं संमग्गपट्ठियं । निवसेज्ज तत्थ आजम्मं गोयमा ! संजए मुणी ॥८॥
[२] ‘से भयवं ! कयरे णं से गच्छे जे णं वासेज्जा ?' एवं तु गच्छस्स पुच्छा जाव णं वयासी । गोयमा! जत्थ णं सम-सत्तु-मित्त-पक्खे अच्चंत-सुनिम्मल-विसुद्धंत-करणे आसायणा-भीरु सपरोवयारमब्भुज्जए अच्चंत-छज्जीव-निकाय-वच्छले, सव्वालंबण-विप्पमुक्के, अच्चतमप्पमादी, सविसेस-बितिय -समयसब्भावेरोद्दट्ट-ज्झाण-विप्पमुक्के, सव्वत्थ अणिगूहिय-बल-वीरिय-पुरिसक्कार-परक्कमे, एगंतेणं संजती-कप्पपरि भोग-विरए एगंतेणं धम्मंतराय-भीरू, एगंतेणं तत्त-रुई एगतेणं इत्थिकहा-भत्तकहा-तेणकहा-रायकहाजणवयकहा परिभट्ठायारकहा, एवं तिन्नि-तिय-अट्ठारस-बत्तीसं विचित्त-सप्पभेय-सव्व-विगहा-विप्पमुक्के, एगंतेणं जहा सत्तीए अट्ठारसण्हं सीलंग-सहस्साणं आराहगे, सयलमहण्णिसाणुसमयमगिलाए, जहोवइट्ठ-मग्गपरूवए, बहु-गुण-कलिए मग्गट्ठिए सपरोवयारमब्भुज्जए अच्वंतं अखलिय-सीले, महायसे, महासत्ते, महाणुभागे णाण-दसण-चरण-गुणोववेए गणी ॥छ।।
[३]
‘से भयवं! किमेस वासेज्जा ? गोयमा ! अत्थेगे जे णं वासेज्जा, अत्थेगे जे णं नो वासेज्जा ? 'से भयवं ! केणं अटेणं एवं वुच्चइ जहा णं गोयमा ! अत्थेगे जे णं वासेज्जा ? अत्थेगे जे णं नो वासेज्जा। गोयमा ! अत्थेगे जे णं आणाए ठिए अत्थेगे जे णं आणा-विराहगे । जे णं आणा-ठिए से णं सम्मइंसणनाण-चरित्ताराहगे । जे णं सम्मइंसण-नाण-चरित्ताराहगे से णं गोयमा ! अच्चंत-विऊ सुपवरकम्मुज्जए" मोक्खमग्गे। जे य उ णं आणा-विराहगे से णं अणंताणुबंधी कोहे, से णं अणंताणुबंधीमाणे, से णं अणंताणुबंधी
१ पक्खो ते खीय पन्नेएसुं सं. । २ ए यन्नेए, पयन्नेसुं। ३ निउणं निभाले उं ला. । ४ चेतिय खं. । ५ णसत्त सा. । ६ समप्पमेय सा.।
७ ए अत्थेगे मग्ग जे. । ८ सुयहर कंडुज्जए जे./ सुपवर कंडु आ. सुपद्धरकंमुज्जए (टिप्पण) ला. । Jain Education International or Private & Personal Use Only
www.jainelibrary.org
| SR No. | 001149 |
| Book Title | Agam 39 Chhed 06 Mahanishith Sutra |
| Original Sutra Author | N/A |
| Author | Punyavijay, Rupendrakumar Pagariya, Dalsukh Malvania, H C Bhayani |
| Publisher | Prakrit Granth Parishad |
| Publication Year | 1994 |
| Total Pages | 284 |
| Language | Prakrit |
| Classification | Book_Devnagari, Agam, Canon, Ethics, & agam_mahanishith |
| File Size | 19 MB |