Page Text
________________
महानिसीह - सुखंधं
'साहू' भणेज्जा जस्सेरिसं पमत्तत्तणं ? ण एस साहु जस्सेरिसं णिद्धम्म संपलत्तणं । भद्दमुह ! पेच्छ पेच्छ सूणो इव णित्तिंसो छक्काय - निमद्दणो कहाभिरमे एसो | अहवा वरं सूणो जस्स णं सुहुमं वि नियम-वय-भंगं णो भवेज्जा । एसो उ नियम भंगं करेमाणो केणं उवमेज्जा ? ता वच्छ ! सुमइ भद्दमुह ! ण एरिस कत्तव्वायरणाओ भवंति साहू, एतेहिं च कत्तव्वेहिं तित्थयर - वयणं सरेमाणो को एतेसिं वंदणगमवि करेज्जा ?
अण्णं च एएसिं संसग्गेण कयाई अम्हाणं पि चरण - करणेसुं सिढिलत्तं भवेज्जा, जेणं पुणो पुणो आहिंडेमो घोरं भवपरंपरं । तओ भणियं सुमइणा जहा - जइ एए कुसीले जई सुसीले, तहा वि मए एएहिं समं गंतव्वं जाव एसिं समं पव्वज्जा कायव्वा । जं पुण तुमं करेसि' तमेव धम्मं, णवरं को अज्ज तं समायरिउं सक्का ? ता मुसु करं, मए एतेहिं समं गंतव्वं जाव णं णो दूरं वयंति से साहुणों' त्ति । तओ भणियं णाइलेणं 'भद्दमुह ! सुमइ णो कल्लाणं एतेहिं समं गच्छमाणस्स तुज्झ ति । अहयं च तुब्भं हिय-वयणं भणामि एवं ठिए जं
६५
बहुगुणं तमेवासे, । णाहं ते दुक्खेण धरेमि' ।
1
(९) अह अण्णया अणेगोवाएहिं पि निवारिज्जतो ण ठिओ, गओ सो मंद-भागो सुमती गोयमा ! पव्वइओ य । अह अण्णया वच्चंतेणं मास - पंचगेणं आगओ महारोरवो दुवालस- संवच्छरिओ दुब्भिक्खो । तओ साहुणो तक्काल-दोसेणं अणालोइय-पडिक्कंते मरिऊणोववन्ने भूय - जक्ख- रक्खस- पिसायादीणं वाणमंतरदेवाणं वाहणत्ताए । तओ वि चविऊणं मिच्छजातीए कुणिमाहार- कूरज्झवसाय - दोसओ सत्तमाए । तओ उव्वट्टिऊणं तइयाए चउवीसिगाए सम्मत्तं पाविहिंति । तओ य सम्मत्त - लंभ - भवाओ तइय भवे चउरो सिज्झिहिंति । एगो ण सिज्झिहिइ जो सो पंचमगो सव्व - जेट्टो । जओ णं सो एगंत - मिच्छ दिट्ठी - अभव्वो य । 'से भयवं ! जे णं सुमती से भव्वे उयाहु अभव्वे ?' 'गोयमा ! भव्वे । से भयवं ! जइ-णं भव्वे, ता णं मए समाणे कहिं समुप्पन्ने ? “गोयमा ! परमाहम्मियासुरेसुं ! से भयवं ! किं भव्वे परमाहम्मियासुरेसुं समुप्पज्जइ ? 'गोयमा ! जे केई घण-राग-दोस- मोह - मिच्छत्तोदएणं सुववसिय पि परम - हिओवएसं अवमन्नेत्ताणं दुवालसंगं च सुय-णाणमप्पमाणी करीअ अयाणित्ता य समय- सब्भावं अणायारं पसंसिया णं तमेव उच्छप्पेज्जा जहा सुमइणा उच्छप्पिर्यं । ‘न भवंति एए कुसीले साहुणो, अहा णं एए वि कुसीले ता एत्थं जगे न कोई सुसीलो अत्थि, निच्छियं मए एतेहिं समं पव्वज्जा कायव्वा तहा 'जारिसो तं निबुद्धीओ तारिसो सो वि तित्थयरों' त्ति एवं उच्चारेमाणेणं से णं गोयमा ! महंतंपि तवमणुट्ठेमाणे परमाहम्मियासुरेसुं उववज्जेज्जा । ‘से भयवं ! परमाहम्मिया सुरदेवाणं उव्वट्टे समाणे से सुमती कहिं उववज्जेज्जा ? गोयमा ! तेणं मंद-भागेणं अणायार-पसंसुच्छप्पणं-करेमाणे सम्मग्ग-पणासणं अभिणंदियं तक्कम्मदोसेणं- अनंत-संसारियत्तणमज्जियंतो " केत्तिए उववाए तस्स साहेज्जा जस्स अग-पोग्गल - परिट्टेसु वि णत्थि चउगइ - संसाराओ अवसाणं ति, तहा वि संखेवओ सुणसु गोयमा !
(१०) इणमेव जंबुद्दीवं दीवं परिक्खिविऊणं ठिए जे एस लवणजलही एयस्स णं जं ठामं सिंधू महानदी पविट्ठा, तप्पएसाओ दाहिणेणं दिसा भागेणं पणपण्णाए जोयणेसुं वेइयाए मज्झतरं अत्थि पडिसंताव-दायगं नाम अद्धतेरस- जोयण- पमाणं हत्थिकुंभायारं थलं । तस्स य लवण - जलोवरेणं' अद्भुट्ठ- जोयणाणी उस्सेहो । तहिं च णं अच्चंत-घोर- तिमिसंधयाराओ घडियालग संठाणाओ सीयालीसं गुहाओ । तासुं च णं जुगं जुगेणं निरंतरे " जलयारीणो मणुया परिवसंति । ते य वज्ज-रिसभ - णाराय - संघयणे महाबल - परक्कमे अद्धतेरस - रयणी - पमाणेणं संखेज्ज-वासाऊ. महु- मज्ज - मंसप्पिए सहावओ इत्थिलोले परम - दुव्वण्ण-सुउमाल - अणिट्ठ- खरफरुसिय-तणू मायंगवइ-कयमुहे सीह - घोर - दिट्ठी- कयंत भीसणे" अदाविय पट्ठी असणि व्व णिहुर - पहारी दप्पुद्धरे य भवंति । तेसिं ति जाओ अंतरंड - गोलियाओ ताओ गहाय चमरीणं संतिएहिं सेय - पुंछवालेहिं गुंथिऊणं
Jain Education International
१ कसिला. । २ तिते सा खं । ३ तुब्भं ति खं । ४ तए दुशु । ५ सुरदसियं खं, सुरकहियं सा । ६ उत्थाप्पेज्जा । ७ महिज्जि खं. सं. ला., । ८ सब्भंतरं सं. । ९ जलोदएणं सा । १० जुगं जुगं अंतरे सा. जुगु जुगलं निरंतर सु. जुग जुगलं नि ला. । ११ °सणे फरूसिय पट्टी सा. ।
For Private
Personal Use Only
www.jainelibrary.org
| SR No. | 001149 |
| Book Title | Agam 39 Chhed 06 Mahanishith Sutra |
| Original Sutra Author | N/A |
| Author | Punyavijay, Rupendrakumar Pagariya, Dalsukh Malvania, H C Bhayani |
| Publisher | Prakrit Granth Parishad |
| Publication Year | 1994 |
| Total Pages | 284 |
| Language | Prakrit |
| Classification | Book_Devnagari, Agam, Canon, Ethics, & agam_mahanishith |
| File Size | 19 MB |