Page Text
________________
महानिसीह-सुय-खंधं .
कट्ठ-तवोणुचरणेणं च पसुक्खं मंस-सोणियं ति ? महाउवासगो सि तुमं, महा-भासा-समिती विइया तए, जेणेरिस-गुणोवउत्ताणं पि महाणुभागाणं साहूणं 'कुसीले' त्ति नामं संकप्पियंति । तओ भणियं णाइलेणं जहा 'मा वच्छ ! तुमं एतेणं परिओसमुवयासु, जहा 'अहयं आसवारेणं परिमुसिओ' । अकाम-निज्जराए वि किंचि कम्मक्खयं भवइ, किं पुण जं बाल-तवेणं ? ता एते बाल-तवस्सिणो दट्ठव्वे, जओ णं किं किंचि उस्सुत्तमग्गयारित्तमेएसिं [न] पइसे । अण्णं च-वच्छ सुमइ ! णत्थि ममं इमाणोवरि को वि सुहुमो वि मणसावि उ पओसो, जेणाहमेएसिं दोस-गहणं करेमि, किं तु मए भगवओ तित्थयरस्स सगासे एरिसमवधारियं, जहा'कुसीले अदट्ठव्वे । ताहे भणियं सुमइणा जहा-जारिसो तुमं निबुद्धीओ तारिसो सो वि तित्थयरो, जेण तुज्झमेयं वायरियं' ति । तओ एवं भणमाणस्स सहत्थेणं झंपियं मुह-कुहरं सुमइस्स गाइलेणं, भणिओ य । जहा'भद्दमुह ! मा जगेक्क-गुरुणो तित्थयरस्सासायणं कुणसु, । मए पुण भणसु जहिच्छियं, नाहं ते किंचि पडिभणामि'।
(६) तओ भणियं सुमइणा जहा 'जइ एते वि साहुणो कुसीला ता एत्थं जगे ण कोइ सुसीलो अत्थि' । तओ भणियं णाइलेणं । जहा- ‘भद्दमुह सुमइ ! एत्थं जयालंघणिज्ज वक्कस्स' भगवओ वयणमायरेयव्वं, जं चऽत्थिक्कयाएं न विसंवयेज्जा, णो णं बालतवस्सीण चेट्ठियं, जओ णं जिणयंदवयणेणं नियमओ ताव कुसीले इमे दीसंति, पव्वज्जाए-गंधं पि णो दीसए एसिं, जेणं पेच्छ पेच्छ ? तावेयस्स साहुणो (१) बिइज्जियं मुहणंतगं दीसइ, ता एस ताव अहिग-परिग्गह-दोसेणं कुसीलो ! ण एयं साहूण भगवयाऽऽइट्ट जमहिय-परिग्गह-विधारणं कीरे, ता, वच्छ, 'हीण-सत्तोऽहनो एसेवं मनसाज्झवसे जहा 'जइ ममेयं मुहणंतगं विप्पणस्सिहिइ ता बीयं कत्थ कहं पावेज्जा ? न एवं चिंतेइ मूढो जहा-'अहिगाऽणुवओगोवही-धारणेणं मझं परिग्गह-वयस्स भंगहोही' । अहवा किं संजमेऽभिरओएस मुहणंतगाइसंजमोवओगधम्मोवगरणेणं वीसीएज्जा ? नियमओ ण विसीएं। णवरमत्ताणयं 'हीण-सत्तोऽहमिइ पायडे उम्मग्गायरणं च पयंसेइ पवयणं च मइलेइ त्ति।
(७) एसो उ ण पेच्छसि ? सामन्नचत्तो° एएणं कल्लं तीए विणियंसणाइइत्थीए अंगयहिँ नि जं णालोइयं ण पडिक्कंतं तं किं तए ण विण्णायं ? एस उ ण पेच्छसि ? परूढ-विप्फोडग-विम्हियाणणो एतेणं संपयं चेव लोयट्ठाए सहत्थेणमदिन-छार-गहणं कयं । तए वि दिट्ठमेयं ति । एसो उ ण पेच्छसि ? संघडिय' कल्लो एएणं, अणुग्गए सूरिए ‘उटेह ! वच्चामो, उग्गयं सूरियं' ति तया विहसियमिणं । एसो उ ण पेच्छसीमेसिं जिट्ठ-सेहो। एसो अज्ज रयणीए अणोवउत्तो पसुत्तो विज्जुक्काए फुसिओ। ण एतेणं कप्प-गहणं कयं । तहा पभाए हरिय-तणं वासा-कप्पंचलेणं संघट्टियं । तहा बाहिरोदगस्स परिभोगं कयं । बीयकायस्सोवरेणं परिसक्किओ अविहिए एस खार-थंडिलाओ महुरं थंडिलं संकमिओ । तहा-पह-पडिवण्णेणं साहुणा कम-सयाइक्कमे इरियं पडिक्कमियव्वं ।।
(८) तहाचरेयव्वं २ तहा चिट्टेयव्वं तहा मासेयव्वं तहा सएयव्वं जहा छक्कायमइगयाणं जीवाणं सुहम-बायर-पज्जत्तापज्जत्त-गमागम-सव्वजीवपाणभूय-सत्ताणं संघट्टण-परियावण-किलामणोद्दवणं वा ण भवेज्जा। ता एतेसिं एवइयाणं१३ एयस्स एक्कमवी ण एत्थं दीसए । जं पुण मुहणंतगं पडिलेहमाणो अज्जं मए एस चोइओ। जहा ‘एरिसं पडिलेहणं करे जेणं वाउक्कायं फडफडस्स संघट्टेज्जा' । सारियं च पडिलेहणाए संतियं कारियं५ ति, जस्सेरिसं जयणं एरिसं सोवओगं हुंकाहिसि संजमं, ण संदेहं जस्सेरिसमाउत्तत्तणं तुझं ति । एत्थं च तए हं विणिवारिओ जहा णं 'मूगोवाहिण अम्हाणं साहूहिं समं किंचि भणेयव्वं कप्पे । ता किमेयं ते विसुमरियं ? ता भद्दमुह ! एएणं समं संजम-त्थाणंतराणं एगमवि णो परिक्खियं, ता किमेस
१ परामु आ. सु. । २ "ग्गयामित्त आ. सु. सं । ३ जगदलंघनीय वाक्यस्य ला. टि. । ४ च छक्कियाए खं, चत्थक्कियाए खं, चऽस्थिकियाए सं । ५ जिणिंद व खं. । ६ विधरणं करे । ७ हीनसत्तेहिं खं. २।८ ता ए ला, । ९ विहिए विसीए, खं विसाए ला. । १० सामन्नवत्ता सा, सामन्नवन्ना सु. । ११ संघाडिए कल्ले खं । १२ करे सं. ला. । १३ सिं पव सं. । १४ करेइ जेण ला, करेसिजेण खं । १५ कारणं ति खं। १६ मूगो हाहिं खं.। १७ एएणेसिमसं ला. ।
Jain Education International
For Private & Personal Use Only
www.jainelibrary.org
| SR No. | 001149 |
| Book Title | Agam 39 Chhed 06 Mahanishith Sutra |
| Original Sutra Author | N/A |
| Author | Punyavijay, Rupendrakumar Pagariya, Dalsukh Malvania, H C Bhayani |
| Publisher | Prakrit Granth Parishad |
| Publication Year | 1994 |
| Total Pages | 284 |
| Language | Prakrit |
| Classification | Book_Devnagari, Agam, Canon, Ethics, & agam_mahanishith |
| File Size | 19 MB |